✍ अनन्तश्री राजगुरु जगतगुरु वीरेन्द्र परमहंश ज्योतिषाचार्य

आजको पञ्चाङ्ग

श्रीशाके १९४८ नेपाल सं. ११४६ रौद्रनाम संवत्सर वसन्त ऋतु वि.सं. २०८३ वैशाख १८ गते तद्अनुसार सन् २०२६ मे १ तारिख शुक्रबार वैशाख शुक्ल पक्षको पूर्णिमा तिथि स्वाति नक्षत्र सिद्ध योग भद्रा करण आनन्दादिमा गद योग चन्द्रमा तुला राशिमा भ्रमणशील रहनेछ । काठमाडौंमा सूर्योदय बिहान ५ः२७ मा भयो र सूर्यास्त साँझ १८ः३७ बजे हुनेछ । चण्डीपूर्णिमा, गौतमबुद्ध जयन्ती, मजदूर दिवस, कूर्म जयन्ती, गोरखनाथ जयन्ती, उभौलीपर्व ।

आजको राशिफल

मेष – दिन खासै उत्साहवद्र्धक नरहने देखिन्छ । वर्तमान समस्या तत्काल समाधान नहुन सक्छ, खर्चको पनि योग छ । भौतिक साधनको क्षति हुने योग छ, सावधानी अपनाउनु उचित होला । स्वास्थ्यगत समस्याले पनि सताउनुका साथै मनमा घरायसी पीडाले डेरा जमाउन सक्छ । दौडधुप बढ्नेछ तर परिणाम खासै मिल्नेछैन । संयमताका साथ नियमित कर्म निर्वाह गर्नु हितकर होला ।

वृष – नियमित कर्ममा जोश जाँगर आउनाले मन प्रफुल्ल रहला । साझेदारी र सट्टापट्टामा विशेष लाभ मिल्ने समय छ । व्यापार–व्यवसायमा लाग्नेहरूलाई विशेष फाइदा होला । सेयरबजारका काममा पनि सफलता मिल्ने योग छ । ऋण, रोग र शत्रुसित लड्ने सामथ्र्य बढ्नेछ । आफन्तसुख बढ्ने एवम् बौद्धिक र रचनात्मक काममा विशेष सफलता मिल्नेछ । पारिवारिक समस्याको समाधान हुने देखिन्छ । यात्रापरक काम बन्नेछ ।

मिथुन – आजको दिन मनोरञ्जनका साथ बित्ने देखिन्छ । पारिवारिक आवश्यकता पूर्ति हुनेछ भने घरपरिवारभित्र राम्रो सम्बन्ध बन्नेछ । सोचेको काम बन्नाले मन हर्षित रहला । मान्यजनको आगमन हुन सक्छ, जसले खुशी दिलाउनेछ । स्वादिष्ट भोजनको आनन्द पाइएला । मनोरञ्जनात्मक क्रियाकलापमा आकर्षण रहनेछ । यात्रागत कार्य सार्थक रहनेछ ।

कर्कट – मिश्रित फलदायी समय छ । श्रमको उचित मूल्यांकन हुनेछ, तर काममा ढिलाइ भइ सोचेअनुसारको परिणाम प्राप्त नहुन सक्छ । नोकरीमा झमेलाको सामना गनुपर्ने देखिन्छ । ब्यापार–व्यवसायमा भने लाभकै योग छ । ब्यस्तता बढेपनि कामको सन्दर्भमा प्रतिष्ठित व्यक्तित्वहरूसँग मित्रता बढ्नेछ । आरोग्यता रहनेछ । रसरागमा आकर्षण वृद्धि होला ।

सिंह – सानातिना काम र घरेलु समस्यामै अल्झनुपर्ने समय छ । आजको दिन स्वास्थ्य पनि केही कमजोर रहला । खानपानमा विशेष सावधानी अपनाउनु हितकर हुनेछ । नसोचेको ठाउँमा धन खर्च हुनसक्ने योग रहेकोले सतर्कता अपनाउनु हितकर हुनेछ । भौतिक साधनको क्षति हुने सम्भावना छ । साहसिक कार्य एवम् रसरागमा आकर्षण बढ्नेछ ।

कन्या – फुर्सदको अनुभूति भइ पारिवारिक सुख–समृद्धि बढ्ने समय छ । नोकरी एवम् सामाजिक कार्यबाट सुखद परिणाम प्राप्त होला । आम्दानीको स्रोत बढ्नेछ । खासगरी बाहन, चौपायासम्बन्धी कामबाट फाइदा हुने देखिन्छ । कला, साहित्य, मनोरञ्जन आदि क्षेत्रमा रुचि बढ्नेछ । यात्रामा साथीभाइको साथ–सहयोग रहनेछ । पराक्रम बढ्नाले समस्याको समाधान मिल्नेछ ।

तुला – आजको दिन केही चुनौतीयुक्त रहला । नियमित कार्यमा जाँगर नलाग्ने र खर्चको मात्रा पनि बढ्ने देखिन्छ । कसैसँग मनमुटाव हुनसक्छ । आफ्नै कमजोरीले विवादमा परिने सम्भावना रहेकोले वादविवादमा पर्नबाट सकभर जोगिने प्रयत्न गर्नु हितकर हुनेछ । अनायसै रुपैयाँपैसाको क्षति हुने समय छ, सावधान रहनुहोला । प्रतिकुलताका बाबजुद मनमा प्रेमभाव जागृत होला । बौद्धिकता तथा रचनात्मकता बढ्नेछ ।

वृश्चिक – विशेष कार्यमा सहयोगी एवम् साथीभाइहरुले राम्रो साथ दिनेछन् । पितृधनको उपयोगबाट विशेष फाइदा मिल्ने समय छ । अधुरा काम सम्पन्न हुनेछन् भने पढाइलेखाइमा मन जानेछ । कृषिकर्मबाट पनि राम्रो लाभ लिन सकिनेछ । नयाँ जिम्मेवारी प्राप्त हुने योग छ । दैनिक कामकाज सजिलै सम्पन्न हुनेछन् । खर्च केही बढ्न सक्छ । मिठो भोजन प्राप्त हुनेछ । आरोग्यबल बढ्नेछ ।

धनु – नसोचेको ठाउँबाट धनलाभ हुने समय छ । लामो समयदेखि रोकिएको काम बन्नुेछन् भने आम्दानीमा कमी हुने छैन । आयआर्जन सन्तोषजनक रहेपनि आजको दिन पारिवारिक समस्या केही बढ्ने देखिन्छ । तथापि, रुचिका विषयमा लगानी बढाउन सकिनेछ । नियमित कार्य सामान्य रहला । साझेदारीको काम बन्नेछ । दाम्पत्यसुख मिल्नेछ ।

मकर – सानो प्रयासले रोकिएको काम बन्ने समय छ । ब्यापार ब्यवसायबाट राम्रै फाइदा हुने देखिन्छ । रसरागात्मक क्रियाकलापमा आकर्षण बढ्नेछ । टाढाको यात्राबाट धनप्राप्त हुने योग छ । आफन्तजनको सहयोग प्राप्त हुनेछ । मित्रहरूसँग भेटघाट र रमाइला क्षणहरू ब्यतीत हुने योग छ । समग्रमा आजको दिन सुखदानुभूतिका साथ बित्ने देखिन्छ ।

कुम्भ – रोकिएका कामहरू बन्ने दिन छ । निर्माण तथा व्यवहारिक क्षेत्रमा मन लाग्नेछ । सोचेभन्दा बढी नै लाभ हुने देखिन्छ । प्रशंसा गर्नेहरु बढ्नेछन् । व्यावसायिक काममा राम्रै फड्को मार्न सकिने योग छ । कर्मबल बढ्नाले आय वृद्धि एवम् उन्नति–पदोन्नति हुनेछ । मनोरञ्जनात्मक क्रियाकलापमा आकर्षण बढ्नेछ । बौद्धिक तथा रचनात्मक कार्य बन्नेछ ।

मीन – दिन सामान्य रहेपनि टाढिएका मित्र एवम् आफन्तको यादले पिरोल्नेछ । चिताएको काममा सफलता नमिल्न सक्छ । साथीसंगीहरु रुष्ट रहने योग भएकोले बोली र व्यवहारमा संयमता अपनाउनुहोला । प्रतिस्पर्धामा केही कमजोर सावित भइएला । चिताएको काम पुरा नहुन सक्छ । खर्च र जोखिम बढ्नेछ । आफन्तजनको साथ–सहयोगले शत्रुसित लड्ने सामथ्र्य बढ्नेछ ।