✍ अनन्तश्री राजगुरु जगतगुरु वीरेन्द्र परमहंश ज्योतिषाचार्य

आजको पञ्चाङ्ग

श्रीशाके १९४८ नेपाल सं. ११४६ रौद्रनाम संवत्सर वसन्त ऋतु वि.सं. २०८३ ज्येष्ठ २ गते तद्अनुसार सन् २०२६ मे १६ तारिख शनिबार ज्येष्ठ कृष्णपक्षको अमावस्या तिथि भरणी नक्षत्र सौभाग्य योग चतुष्पाद करण आनन्दादिमा ध्वाँक्ष योग चन्द्रमा मेष राशिमा भ्रमणशील रहनेछ । काठमाडौंमा सूर्योदय बिहान ५ः१७ मा भयो र सूर्यास्त साँझ १८ः४५ मा हुनेछ । वटसावित्रिव्रत, शनिजयन्ति ।

आजको राशिफल

मेष – विगतका कमजोरीलाई सुधार गर्दै लाभदायी कर्मका साथ अघि बढ्ने समय छ । स्थापित व्यवसाय, कृषिकर्म र उद्योगधन्दालाई निरन्तरता दिन सकिनेछ । आम्दानी बढ्ने र उठ्नुपर्ने रकम हातलागी हुने सम्भावना छ । कृषि तथा पशुपालनमा त्यति लाभ नभए पनि व्यापारमा राम्रै फाइदा हुने योग छ । प्रयत्न गर्दा महत्वाकांक्षी योजना फलीभूत होलान् । आरोग्यवल वृद्धिका साथै दामपत्यसुख बढ्नेछ ।

वृष – निर्णायक क्षमतामा कमी आउने र काममा केही प्रतिस्पर्धा गर्नुपर्ने देखिन्छ । सहयोगीले नै तपाईंको कमजोरीप्रति टीकाटिप्पणी गर्न सक्छन् । नसोचेको ठाउँमा धनको नाश हुने सम्भावना छ । शत्रुहरूको चलखेल बढ्नाले केही अप्ठ्यारोमा परिएला, सचेत रहनुहोस् । नियमित कार्यमा पनि चुनौतीको सामना गर्नपर्ला । व्यापार तथा उद्योगतर्फ भने फाइदाको योग छ । प्रतिकुलताका बाबजुद रसरागमा आकर्षण बढ्नेछ ।

मिथुन – सानातिना कार्य तथा घरेलु समस्यामा अल्झनुपर्ने समय छ । स्वास्थ्यले पनि पूरै साथ नदिन सक्छ । श्रमको उचित परिणाम प्राप्तिको लागि निकै जोड लगाउनुपर्ला । सामाजिक कामको दायित्व बढ्नेछ भने अरूका जिम्मेवारी समेत बहन गर्नुपर्ने योग छ । प्रतिष्ठित काम र पदको आशा देखाउनेहरूले धोका दिन सक्छन् । विवेक र साहस वृद्धिका कारण शत्रुपक्ष परास्त हुनेछ ।

कर्कट – आजको दिन चल-अचल सम्पत्तिको विशेष कारोबार हुनसक्छ । नियमित कार्यमा सहजता आउनेछ भने समय उत्साहवर्द्धक र मनोरञ्जनपूर्ण रहला । व्यवहारबाट नयाँ ज्ञान प्राप्त हुने देखिन्छ । पितृधन समेत लाभ हुने योग छ । कामको सिलसिलामा फलदायी यात्राको सम्भावना छ । व्यापार-व्यवसायमा विशेष लाभ मिल्ला । बौद्धिक र रचनात्मक काममा विशेष सफलता मिल्नेछ । पारिवारिक समस्याको समाधान प्राप्त हुनेछ ।

सिंह – प्रतिस्पर्धाबाट फाइदा उठाउन सकिएपनि धैर्यले काम लिनुपर्ने समय छ । चुनौतीका बाबजुद नसोचेको सफलता हातलग्न सक्छ । छरछिमेकमा भने केही असमझदारी बढ्ने योग छ, सजग रही व्यवहार गर्नुहोला । सन्तान वा अनुयायीले प्रसन्नता दिलाउनेछन् भने परिवारजन तथा बन्धु-बान्धवबीच आत्मीय भाव बढ्नेछ । योजना र बजेट बनाएर मात्र आर्थिक कारोबार गर्नु हितकर हुनेछ । यात्रागत कार्य सार्थक रहला ।

कन्या – व्यवसायिक कार्यमा लगानी वृद्धि हुने समय छ । केही मात्रामा खर्च बढ्ने देखिन्छ । प्रयास गर्दा रोकिएका काम बन्नेछन् । समस्यामा मातापिताको विशेष सहयोग प्राप्त होला । कृषि-चौपायाबाट लाभ मिल्ने देखिन्छ । अरूको मात्र भरपर्दा धोकामा परिने सम्भावना रहेकोले सजग रही कार्य-ब्यवहार गर्नुहोला । ब्यस्तता बढ्नेछ । यात्रागत कार्यमा आंशिक लाभ मिल्नेछ ।

तुला – व्यावसायिक काममा खर्च बढ्ने समय छ । अरूका काममा महत्वपूर्ण समय बित्न सक्छ । अप्रिय समाचारले खिन्नता उत्पन्न गराउने सम्भावना छ । आलस्यका कारण कामहरु अधूरै रहन सक्छन् । मान–सम्मानमा पनि आघात पर्ने सम्भावना रहेकोले बोली र व्यवहारमा संयमता अपनाउनु उचित हुनेछ । सहयोगीहरूले हात झिक्नाले नियमित कार्यमा केही समस्या थपिने देखिन्छ । व्यापार व्यवसायमा पनि त्यत्ति फाइदा नहोला । सेवामूलक कामबाट भने प्रतिष्ठा मिल्ने योग छ ।

वृश्चिक – सामाजिक एवम् पारिवारिक उत्तरदायित्व वहन गर्ने समय छ, धैर्यले काम लिने प्रयत्न गर्नुहोला । रोकिएका कामहरू सम्पादन हुनेछन् । मानप्रतिष्ठा वृद्धि हुनुका साथै घरपरिवारमा राम्रै सम्बन्ध बन्नेछ भने पारिवारिक आवश्यकता पूर्ति हुने देखिन्छ । धार्मिक तथा परोपकारजन्य क्रियाकलापबाट प्रतिष्ठा मिल्नेछ । बौद्धिक प्रतिस्पर्धामा विजयी भइएला । मित्रजनको सहयोग प्राप्त हुनाले कार्यगति एवम् उत्साह बढ्नेछ ।

धनु – विभिन्न अवसर पाइने समय भएपनि पुरानो समस्याले केही झमेला आइलाग्न सक्छ । सोचेको काम समयमा सम्पादन गर्न नसकिने र अवसर फुत्कने सम्भावना छ । तथापि, मित्रजनले सहयोगको तत्परता देखाउनेछन् । नसोचेको फाइदा उठाउन सकिनेछ । आतिथ्यपूर्ण सम्मान पाइएला । प्रेमको बन्धन कसिने योग छ । केही मात्रामा खर्च वृद्धि होला । सुख सुविधाको वस्तु बढ्नेछन् ।

मकर – बाध्यतापूर्ण काममै समय बित्नसक्ने दिन छ । स्वास्थ्य कमजोर रहेको अनुभूतिका बाबजुद जिम्मेवारी बढिरहनेछन् भने सहयोगको आशा देखाउनेहरूबाटै धोका पाइने सम्भावना छ । दाम्पत्य सम्बन्धमा पनि असमझदारी बढ्ने योग रहेकोले सावधानी अपनाउनु हितकर हुनेछ । अनावश्यक रूपले समय र धन खर्च हुनसक्ने सम्भावना रहेकोले विशेष सजगताको दरकार छ । सन्तानपक्षबाट सुख मिल्नेछ ।

कुम्भ – पराक्रम बढ्ने एवम् भूमि, वाहन र पैत्रिक सम्पत्तिबाट लाभ मिल्ने समय छ । मातापिता र आफन्तको सहयोगले काम बन्नेछन् र विशेष लाभ उठाउन सकिने योग छ । प्रेममा सुखद मिलन अनुभव हुनेछ । दाम्पत्यजीवन सुखद तथा समृद्ध बन्नेछ । रसरागात्मक क्रियाकलापमा आकर्षण बढ्ने देखिन्छ । रचनात्मक तथा साहित्यिक कार्यमा मन जानेछ ।

मीन – आजको दिन पीडा दिनेहरु सक्रिय रहन सक्छन्, सवधान रहनुहोला । यात्राका क्रममा विशेष सावधानी अपनाउनु उचित हुनेछ । काममा केही चुनौती देखिए पनि समयको सदुपयोग होला । पढाइलेखाइमा प्रगति हुने देखिन्छ । स्वास्थ्य केही कमजोर रहेको अनुभूतिका बाबजुद दैनन्दिन परिश्रमबाट मुक्ति मिल्न नसक्ने योग छ । तथापि, कठोर परिश्रमले काममा सफलता दिलाउनेछ ।