नेपाल कम्युनिष्ट पार्टी (एमाले)को सचिवालय बैठकमा नेताहरुले बोल्ने क्रम जारी रहेको छ ।

पार्टी अध्यक्ष केपी शर्मा ओली निवास गुण्डुमा शनिबार (९ जेठ) बसेको दोस्रो दिनको बैठकमा पार्टीका महासचिव, तीन उपमहासचिव र पाँच सचिवसहित नौ जना नेताहरूले आफ्नो धारणा राखेको एमाले उपमहासचिव लेखराज भट्टले जानकारी दिए ।

पार्टीको आइतबार (१० जेठ) बस्ने बैठकमा बाँकी चार सचिवले आफ्नो धारणा राख्ने जानकारी दिँदै सबैको धारणा आएपछि प्रस्तावित एजेन्डामाथि निर्णय प्रक्रियालाई अगाडि बढाइने सञ्चारकर्मीलाई बताए । गत शुक्रबारदेखि बैठक सुरु भएको थियो ।