धादिङ सिद्धलेक गाउँपालिका–४ आरुबासस्थित कालीदेवी माध्यामिक विद्यालयमा विद्यार्थीमा अनौँठो समस्या देखा परेको घटनाप्रति सरोकारवाला निकाय अझै पनि मौन रहेको छ । यो समाचार केहि दिन अगावै घटना र विचारले यत्रतत्र ढल्न थाले किशोरी विद्यार्थी शिर्षकमा पहिलोपटक प्रकाशित गरेको थियो ।
यता आज राससले केही दिनदेखि एउटा छात्रा चिच्याएर कराउने र अर्ध बेहोस अवस्थामा लडेपछि एकपछि अर्को गर्दै अन्य विद्यार्थीमा पनि यस किसिमको समस्या आउने भन्दै समाचार प्रस्तुत गरेको छ । विद्यालयका प्रधानाध्यापक ढकबहादुर थापाका अनुसार गत जेठ महिनामा समस्या देखिएपछि विद्यालय बन्द गरी अहिले पुनः सञ्चालन गर्दासमेत यस किसिमको समस्या दोहोरिएको र उचार गराउँदा पनि सम्भब नभएकाले एउटा गैरसरकारी संस्थाले मनोसामाजिक परामर्श पनि सञ्चालन गरेको थियो।
त्यसपछि पनि विद्यार्थीमा यस किसिमको समस्या निरन्तर देखिएको थापाको भनाइ छ । विद्यार्थी कराउने चिटचिट पसिना निकाल्ने, काम्नेजस्ता लक्षण बिस्तार बिस्तार अन्य विद्यार्थीमा पनि निरन्तर देखिएको गाउँपालिका स्वास्थ्य संयोजक विष्णु रिजालले बताए । उनले मास हिस्टेरियाको रुपमा देखा परेको समस्या समाधान गर्नका लागि विद्यालय र घरको वातावरण राम्रो हुनुपर्ने बताए।
यस किसिमको समस्या देखिएका विद्यार्थीलाई मनोसामाजिक परामर्श आवश्यक हुने उनको भनाइ छ। यो समस्या ‘कन्भर्सन डिसअर्डर’ हो’, उनले भने । विद्यार्थीलाई यस्तो समस्याबाट छुटकारा दिन विद्यालयले झाँक्रीसमेत लगाएको र केही दिनपछि पुनःविद्यालयमा झाँक्री लगाइने प्रधानाध्यापक थापाको भनाइ छ ।
यसअघि घटना र विचारमा प्रकाशित समाचार :
यत्रतत्र ढल्न थाले किशोरी विद्यार्थी
धादिङमा अनौठो किसिमका रोग देखा परेको छ । पहाडी जिल्ला धादिङको सिद्द्लेक गाँउपालिका आरुबास स्थित कालिदेबी माध्यामिक विधालयमा देखिएको यो अनौठो किसिमको रोगले बिद्यालय र आसपासका क्षेत्रमा संत्रास फैलाएको छ ।
आफ्ना फेसबुकमार्फत बिभिन्न फोटोहरु समेत सार्वजनिक गगर्दे सुनिल थापामगरले अहिलेसम्म २०/२२ जनासम्ममा यस्ता समस्या देखिएको बताएका छन् ।
बिद्यालयका दसदेखि बीस किशोरीहिरु दिनहुँ बर्बराउने मुर्छित हुने, र बेहोस भई ढल्ने गरेका छन् ।
किशोरीहरु बेहास भएर ढल्नु अघि बेसुरका कुरा गर्ने र बर्बराउँदा बर्बराउँदै मुर्छित हुने गरेका छन ।
तर यस्ता किशोरीहरुमा दिनहुँ भिन्न–भिन्न लक्षण देखिने गरेको छ । केहिदिन अघिदेखि विद्यार्थीहरु बाटो घाटो, कक्षा कोटामा घण्टौसम्म बेहोस भएर ढल्ने गरेपछि विद्यालयका शिक्षक विद्यार्थी र स्थानिय वासिन्दाहरु समेत त्रासित बनेका छन् ।
यस्तो समस्याको समाधान निम्ति कुन निकायलाइृ गुहार्नुपर्ने हो भन्ने जानकारी पाँउन नसक्दा शिक्षक र स्थानिय वासिन्दाहरु अन्यौलमा परेका छन् ।
हेर्नुहोस् भिडियो :
प्रतिक्रिया