छविलाल बगाले
बहुचर्चित तर, लोपोन्मुख ‘ठाडो भाका’ का एकमात्र मुर्धन्य ब्यक्ति ‘भेडीखर्के साइँला’ (दीर्घराज अधिकारी)को दुख्द निधन भएको छ । लामो समयसम्म दमले ग्रसित भेडीखर्केको ८४ वर्षको उमेरमा निधन भएको हो ।
ठाडोभाका सम्राट÷शिरोमणी भेडीखर्के साइँला एक महिनायता बिरामी परेका थिए । सोमाबार साँझ सवा ५ बजेतिर उनको निधन भएको हो । स्वर्गीय भेडीखर्के मध्यसाउनदेखि बिरामी परेका थिए । घरायसी आर्थिक समस्याले राम्रो उपचार पाउन नसकेका भेडीखर्केले न राज्यबाट केही पाए न कलाकारिता क्षेत्रबाट नै ।
भेडीखर्केका एक छोरा र तीन छोरी छन् । लमजुङको तत्कालिन सिन्दुरे गाविस वडा नम्बर ७, तुर्लङकोटमा वि.सं. १९९० भदौ ३१ गते बाबु बलभद्र अधिकारी र आमा नन्दकुमारीको कोखबाट जन्मिएका भेडीखर्केले १२ बर्षको उमेरदेखि ८४ बर्षको उमेरसम्म ठाडो भाका गाउँदै आएका थिए । उनका दर्जन बढी गीतहरु रेकर्ड भएका छन् ।
पहिले देउबहादुर दुरा र पञ्चैसुब्बा गुरुङले यस भाका प्रचलनमा ल्याएपनि देश विदेश फैलाउने काम भेडीखर्के साइँलाले गरेका थिए । २० बर्षअघिसम्म भक्तिमाया दुरासंग विभिन्न कार्यक्रममा ठाडो भाकामा रातदिन छर्लंगै हुने गरि गाउने उनले सवै सहयात्रीलाई गुमाएपछि पछिल्लो समय बन्दीपुरकी उत्तम गुरुङसंग ठाडोभाका गीत गाउँदै आएका थिए ।
प्रतिक्रिया