सिरहाको कर्जन्हा–२ की १६ वर्षिया प्रियंका यादवले आफ्नो यौनकाण्ड लुकाउन साथीसँग मिलेर १३ वर्षिय भाइको हत्या गरेकी छिन् । प्रहरीका अनुसार कात्तिक ३ गते भएको सो हत्यामा संलग्न उनीहरु दुवैलाई पक्राउ गरेर छानबिन सुरु गरिएको छ ।

भैसी चराउन जंगल गएको वेला प्रियंका र सञ्जयलाई भवेशले आपत्ति जनक अवस्थामा देखेपछि सो कुरा अरुलाई सुनाइदिने डरले उनीहरु दुबै मिलेर हत्या गरेको प्रहरीको अनुसन्धानबाट खुलेको इलाका प्रहरी कार्यालय मिर्चैयाले जानकारी दिएको छ ।

१४ वर्षिय सञ्जय साहसँगको यौन सम्बन्ध खुल्ने डरले प्रियंकाले साहसँग मिलेर आफ्नै ठूलोबुवाका छोरा भवेश यादवको हत्या गरेको प्रहरीले जनाएको छ ।  कात्तिक ३ गतेदेखि हराएका भवेशको शव घर ननिकैको सिशम जंगलको वनमारा घारीमा ५ गते बेलुका फेला परेको थियो ।