निर्वाचन आयोगले आगामी मंसिर २१ गते हुने दोस्रो चरणको प्रतिनिधिसभा र प्रदेशसभाको निर्वाचनका लागि उम्मेदवारलाई उम्मेदवारी फिर्ता लिन आइतबार दिउँसो १ बजेसम्मको समय दिएको छ ।
आयोगले उम्मेदवारहरुलाई उम्मेदवारी फिर्ता लिन चाहनेका लागि समय दिएको हो ।
बागीले हैरानी परेका दलहरुलाई विद्रोही उम्मेदवारलाई सेटिङ मिलाउन पनि उम्मेदवारी फिर्ताको समय उत्तम बनेको छ ।
आयोगले उम्मेदवारहरुविरुद्ध परेका उजुरीको छानविन गरिसकेपछि उम्मेदवारी फिर्ताको अवसर दिएको हो ।
उम्मेदवारी फिर्ताको काम सकिएपछि निर्वाचन आयोगले उम्मेदवारको अन्तिम नामावली सार्वजनिक गर्नेछ । यो समय दिउँसो १ देखि ३ बजेसम्मको तोकिएको छ ।
त्यसैगरी आयोगले उम्मेदवारलाई ३ देखि साँझ ६ बजेसम्म निर्वाचन चिह्न प्रदान गर्ने जनाएको छ ।
निर्वाचन आयोगका अनुसार १२८ प्रतिनिधिसभा निर्वाचन क्षेत्रका लागि १,७४२ जनाको उम्मेदवारी परेको छ ।
यसैगरी प्रदेशसभातर्फको २५६ प्रतिनिधिका लागि २,९ ६६ जना मैदानमा खडा भएका छन् ।
केहीको उम्मेदवारीविरुद्ध परेको उजुरीपछि उम्मेदवार घटेका छन् । त्यसैगरी विभिन्न दलबाट बागी उठेकाहरुले उम्मेदवारी फिर्ता लिएपछि अझै उम्मेदवार घट्ने छन् ।
प्रतिक्रिया