संस्कृति, पर्यटन तथा नागरिक उड्डयनमन्त्री जितेन्द्र नारायण देवसहित तीनजनालाई निर्वाचन आयोगले २४ घण्टे स्पष्टीकरण मागेको छ ।
आयोगले मन्त्री देव, कांग्रेस सप्तरीका सभापति एवं सप्तरी ३ का प्रतिनिधिसभा सदस्यका उम्मेदवार दिनेशकुमार यादव र सप्तरीको खुरहुरियास्थित जनता माध्यमिक विद्यालयका प्रधानाध्यापक सूर्यनारायण यादवलाई आंचारसंहिता विपरितको कार्य गरेको भन्दै २४ घण्टे स्पष्टीकरण माग गरेको हो ।
मन्त्री देवले निर्वाचन आचारसंहिता विपरीत सरकारी सवारी साधनको दुरुपयोग गरी पार्टीको चुनावी सभामा सहभागी भएको भन्दै स्पष्टीकरण सोधेको हो ।
यस्तै, उम्मेदवार यादवलाई सार्वजनिक विद्यालय परिसरमा चुनावी सभा तथा भोजभतेरको आयोजना गरेर आचारसंहिता विपरीत काम गरेको भन्दै स्पष्टीकरण माग गरेको हो ।
सप्तरीको खुरहुरियास्थित जनता माध्यमिक विद्यालयका प्रधानध्यापक सूर्यनारायण यादवलाई सार्वजनिक विद्यालय परिसरमा चुनावी सभा तथा भोजभतेरको आयोजना गर्न दिएको भन्दै स्पष्टीकरण मागेको हो ।
आयोगद्धारा जारी विज्ञप्तिमा उनीहरुलाई निर्वाचन आचारसंहिता उल्लंघनमा तपाईलाई कारबाही किन नहुनु पर्ने हो ? पत्र प्राप्त भएको मितिले २४ घण्टाभित्र स्पष्टीकरण पेस गर्नु भनी निर्देशन दिइएको उल्लेख छ ।
पत्र…
प्रतिक्रिया