थाइल्याण्डमा सम्पन्न भएको सन् २०१७ को ‘Fim asia road racing chmpionship 2017 suzuki Asia challange’ को  फाइनल खेलका राउण्ड-१ थाइल्याण्डको चाङ इन्टरनेशनल सर्किटमा सुजुकी एसिया च्यालेन्ज ड्रिमकपमा ९६ नं को जर्सी र सुजुकी बाइकमा आफ्नो पहिलो राउण्ड पार गरि नेपाली बाइक राइडर विक्रम थापा १५औं स्थानमा पुग्न सफल भएका छन् ।

यस वर्षको खेलमा भएको छनोट प्रतियोगितामा १६औं स्थान हासिल गरी १६ नम्बरको ट्र्याकमा आफ्नो खेल सुरू गरेका थापाले पहिलो चरणको खेलमा १५औं नं मा चित्त बुझाएका छन् । तर, अब  फाइनल राउण्ड-२ को अन्तिम खेलमा अझै राम्रो स्थानमा पुग्न आफू सफल हुने आत्मविश्वास उनले दर्शाएका छन् ।

एसियाका जापानलगायत २० देशका खेलाडीहरूले भाग लिएको मोटरसाइकिल रेसरहरूको यस अन्तर्राष्ट्रिय स्थानमा एसियामा १५औं नं मा नेपाललाई राख्न सफल भएका छन साहसी बाइक रेसर विक्रम थापा ।

नेपालले विगत तीन वर्षदेखि लगातार भाग लिएको यो खेलमा नेपाली बाइकरेसर विक्रमले आफू र आफ्नो देश नेपाललाई एसियन स्तरका खेलाडीको स्थानमा विश्वमै राम्रो स्थानमा स्थापित गरेकोमा आयोजक राष्ट्र र सहभागी अरू राष्ट्रका खेलाडी एवम् अफिसियलहरूले नेपालको बारेमा धेरै चासो तथा जिज्ञासा राखेका थिए ।

विश्वमै अति महँगो र खतर्नाक मानिएको यो खेलका लागि अन्य राष्ट्रमा खेलाडीका लागि आवश्यक सम्पूर्ण साधन-सुविधा र आर्थिक श्रोत आधा सम्बन्धित राष्ट्र र त्यहाँका ठूला कम्पनीहरूले ब्यवस्था गर्ने गर्छन् । तर सरूदेखि (तीन वर्ष पहिलेदेखि) नै रेसर विक्रम थापा आफ्नै साधन र स्रोत लगाएर आजको स्थानसम्म पुग्न सफल भएका छन् । यसरी एउटा नेपाली युवा बाइक रेसिङ प्रतियोगितामा होमिँदा धेरैले नेपालमा पनि यस्तो खेल खेलिँदोरहेछ भनेर यावत प्रकारका जिज्ञाशाहरू राखेका थिए ।

अरू देशका खेलाडीलाई के-कस्तो प्रकारको सुविधा छ भन्ने कुरा त उनीहरूसँगै आएका अफिसियलहरू, कम्पनीका स्पोन्सरलगायतका प्रतिनिधिहरूको हाउभाउबाट सहजै महसुस गर्न सकिने विक्रमका अभिभावक (बुबा) कपिलदेव थापाले बताए ।

आफ्नो देशमा खेलाडी भएवापत भोग्नुपरेको हजारौँ पीडालाई मन र मुटुमै लुकाएर रेसर विक्रम थापा र उनका टिममा उनले अनुबन्ध गरेका जापानी र थाइल्याण्डका सदस्यहरूले निर्धक्कका साथ सबैलाई नेपालमा पनि यो खेलको ब्यवस्था भएको र अब तपाईंहरूको सहयोग पाएमा अझ राम्रो गर्नेछौं भनी सहयोगको अनुरोध समेत गरेका थिए । सबैलाइ एकपटक नेपाल घुम्न आउनका लागि अनुरोध समेत गरि खेलाडी मात्र नभै पर्यटक दूतको समेत काम गर्न भ्याएका छन यी खेलाडीले ।

खेलाडी राष्ट्रका गहना हुन्, अमूल्य सम्पति हुन्, यिनले प्रत्यक्ष र अप्रत्यक्ष रूपमा राष्ट्रलाई विश्वमाझ चिनाउने काम गरेका हुन्छन् । विक्रमले पनि यही गरिरहेका छन् । यिनी र यिनको कामलाई राष्ट्रले चिन्ने कहिले ?