खमेर च्याम्पियनसिपका स्वर्ण विजेता सम्मानितखमेर च्याम्पियनसिपका स्वर्ण विजेता सम्मानित

नेपाल राष्ट्रिय मुवाँथाई संघले प्रथम विश्व कुन खेमर च्याम्पियनसिपमा पदक जित्न सफल खेलाडीलाई नगदसहित सम्मान गरेको छ ।

कम्बोडियाको नोम्फेनमा डिसेम्बर ८ देखि १० तारिखसम्म भएको प्रतियोगितामा स्वर्ण जितेका दुई खेलाडीलाई सम्मान गरिएको हो ।

पुरुषको ५५ केजी तौलसमूहमा राहुल थोकर लामा र महिलाको प्रोफेसनल ६७ केजीमा अनिशा खड्काले नेपाललाई स्वर्ण दिलाएका थिए । दुवैले कम्बोडियाका खेलाडीलाई पराजित गर्दै स्वर्ण जितेका हुन् । दुवैलाई समान १०–१० हजार नगदबाट पुरस्कृत गरिएको थियो ।

पूर्व सांसद् अमृता थापाले दुवै खेलाडीलाई सम्मान तथा पुरस्कृत गरेकि थिइन् । सो अवसरमा प्रतियोगितामा प्रशिक्षकका रुपमा सहभागी नेपाल राष्ट्रिय मुवाँथाई संघका अध्यक्ष समेत गणेशलाल कक्षपतिलाई पनि सम्मान गरिएको थियो ।