देशको स्थापित प्रमुख वाणिज्य बैंकमध्यको एक सनराइज बैंक लिमिटेडले स्थापनाकालदेखि नै आफ्ना ग्राहक वर्गलाई सरल एवम् सहज वित्तीय सेवा प्रदान गर्दै आएको छ । बैंकिङ क्षेत्रमा नयाँ–नयाँ प्रविधिहरू भित्रिरहेको क्रममा सनराइज बैंकले आफ्ना ग्राहकको सुविधालाई ध्यानमा राख्दै भाइबर बैंकिङ सेवा सुरु गरेको छ ।
उक्त भाइबर बैंकिङ सेवामार्फत ग्राहकले सहज रुपमा आफ्नो मोबाइल, ल्यापटप, ट्याबलेट, कम्प्युटर लगायतबाट बैंकिङ सेवाको बारेमा जानकारी लिन सक्ने बैंकले जनाएको छ । भाइबर बैंकिङ सेवा लिनको लागि बैंकका ग्राहकको मोबाइल नम्बर उक्त बैंकको स्मार्ट बैंकिङ सेवामा रजिष्टर गरिएको हुनुपर्ने बताइएको छ । भाइबर बैंकिङ सेवामार्फत खातामा रहेको रकम तथा स्टेटमेन्ट हेर्न, विनिमय दर, मुद्धति खाताको जानकारीलगायत अन्य सेवाको साथै बैंकको सम्पुर्ण शाखा तथा एटिएमसम्बन्धी जानकारी लिन सकिने छ ।
सबै क्षेत्र र वर्ग सम्म बैंकिङ सेवाको पहुँच पुर्याउने उद्देश्यले बैंकले ७६ वटा शाखा, २० वटा शाखा रहित बैंकिङ सेवा ३ वटा एक्सटेन्सन काउण्टर, ९४ वटा ए.टि.म मार्फत आफ्ना ४ लाखभन्दा बढि ग्राहकलाई सेवा प्रदान गर्दै आइरहेको छ ।
प्रतिक्रिया