फिफा विश्वकपको सेमीफाइनलमा पराजित भएर वल्र्ड कप विजेताको उपाधि हासिल गर्ने होडबाट बाहिरिए पनि टूर्नामेन्टमा आफ्नो शानदार प्रदर्शनका कारण फुटबलप्रेमीहरूको दिल जित्न सफल टिम हुन् बेल्जियम र इङ्ग्ल्याण्ड । यिनै दुई टिमबीच आज तेस्रो स्थानको लागि प्रतियोगिता सम्पन्न भएको छ । मस्कोबाट ‘विजयी विदाई’ लिनका निम्ति भएको आजको खेलमा २–० ले बेलायतलाई पराजित तुल्याउँदै बेल्जियमले फिफा विश्वकपको तेस्रो स्थान हात पारेको छ ।

विश्वकपमा यसअघि तेस्रो स्थानको लागि हुने प्रतियोगितालाई खास महत्व दिइँदैनथ्यो । तर यसपटक तेस्रो स्थानको प्लेअफ विजेता टिमलाई पनि २४ करोड डलर को भारी रकमबाट पुरस्कृत गरिने भएकोले यस गेमको महत्व बढेको छ । चौथो हुने टिमलाई समेत २२ करोड डलर हात पर्ने भएकोले रुसमा जारी २१औँ विश्वकपमा प्रतिष्पर्धा तीव्र भएको हो ।