राष्ट्रिय तेक्वान्दो संघ नेपालले तेक्वान्दोका दोस्रो व्याजका खेलाडी प्रेमबहादुर भुजेललाई साउन २४ गते बिहीबार केन्द्रीय सदस्यमा मनोनयन गरेको छ । संघको कार्यालय सानोभऱ्याङमा आयोजित कार्यक्रममा संघका अध्यक्ष शिव कोइराला (ज्वाला) ले भुजेललाई संघको २९औँ कार्यसमितिको बैठकले केन्द्रीय सदस्यमा मनोनयन गरेको जानकारी गराए ।

साथै संघले भुजेलले नेपालमा तेक्वान्दोको खेल स्थापनादेखि वर्तमान अवस्थासम्म यो खेलको विकास र विस्तारमा अमूल्य योगदान पु¥याएकोमा धन्यवाद ज्ञापन गर्दै सम्मानसमेत गरेको थियो । भुजेललाई संघका अध्यक्ष ज्वाला र वरिष्ठ उपााध्यक्ष एकनाथ थापा, राखेपका वरिष्ठ तेक्वान्दो प्रशिक्षक तथा संघका उपाध्यक्ष ध्रुवबहादुर गुरुङ र महासचिव राजकुमार कार्कीले खादा लगाएर सम्मान गरेका थिए ।

सम्मानपछि अध्यक्ष ज्वालाले वरिष्ठ प्रशिक्षकहरूको राष्ट्रिय तेक्वान्दो संघमा प्रवेशले संघ निकै बलियो भएको बताए । संघले तेक्वान्दोमा रगत सुकाएका र पसिना बगाएका खेलाडीहरूको सम्मान गर्दै आएको र त्यस्ता व्यक्तित्वहरूलाई उचित स्थान र सम्मान दिन सधैँ अग्रसर रहने बताए । आज भुजेलजस्तो वरिष्ठ गुरुलाई केन्द्रीय सदस्यमा मनोनयन गर्दै सम्मान गर्न पाउँदा आफूलाई गर्व लागेको उनले बताए ।

सो अवसरमा संघका केन्द्रीय सल्लाहकार तथा वरिष्ठ प्रशिक्षक शेरबहादुर थापा, केन्द्रीय सदस्य चुलाई मुखिया, रघुनाथ खत्री, राष्ट्रिय खेलकुद परिषद् कानुन शाखाका प्रमुख नारायण अर्याल र काठमाडौं जिल्ला तेक्वान्दोे संघका पदाधिकारीको उपस्थिति रहेको थियो ।

सो सम्मान कार्यक्रममा बधाई तथा शुभकामना दिँदै वरिष्ठ प्रशिक्षक गुरुङले सँगै तेक्वान्दो खेलेको, एउटै थालमा भात खाएको साथी (जोडा)लाई संघमा भित्र्याउन र स्वागत गर्न पाउँदा आज आफू निकै खुसी भएको बताए । साथै गुरुङले राष्ट्रिय तेक्वान्दो संघ सङ्लो पानीको ताल भएको चर्चा गर्दै यहाँ सबै कुरा पारदर्शी भएकोले सबै तेक्वान्दोकर्मीहरू अटाउन सक्ने दाबी गरे । त्यस्तै, संघमा प्रवेश गरेकोमा भुजेललाई बधाई दिएका थिए । त्यस्तै संघका वरिष्ठ उपाध्यक्ष एकनाथ थापाले हाम्रो संघर्ष सकिएको छैन, बाटाहरू अप्ठ्यारा छन, हाम्रो प्रयास जारी छ, त्यो समय नजिक आउँदै छ हामी सफल हुन्छौँ भन्दै खेलाडीहरूलाई विचलित नहुन आग्रह गरेका थिए ।

सम्मानपछि बोल्दै भुजेलले भने, ‘अब कसरी संघलाई बलियो बनाउन सकिन्छ, त्यसमा आफूले विशेष भूमिका निभाउने बताए । साथै विदेशमा रहेर पनि स्वदेशको तेक्वान्दोको विकास र विस्तारमा सहयोगी भूमिका निभाउने प्रतिबद्धता जाहेर गरे ।