ज्ञान कार्निभलको २५औँ (रजतजयन्ती) वर्ष पुगेको अवसरमा आयोजना गर्न लागिएको रजतजयन्ती ज्ञान कार्निभल अन्तरविद्यालय बास्केटबल तथा फुटबल प्रतियोगिता भदौ २० गते बुधबारदेखि हुने भएको छ ।

ज्ञानोदय बाल बाटिका स्कुलको आयोजनामा हुने ज्ञान कार्निभलअन्तर्गत पहिलो चरणमा बुधबार २० गतेदेखि बास्केटबल (छात्र र छात्रा) हुने विज्ञप्तिमा जनाइएको छ । प्रतियोगितामा छात्रतर्फ १२ र छात्रातर्फ १० टिमको सहभागिता रहनेछ । कार्निभलको उद्घाटन ललितपुर महानगरपालिकाका मेयर चिरिबाबु महर्जनले गर्ने जारी विज्ञप्तिमा जनाइएको छ ।

सन् १९९४ देखि लगातार आयोजना हुँदै आएको विद्यालयस्तरको सबैभन्दा पुरानो ज्ञान कार्निभल प्रतियोगिताले राष्ट्रियस्तरका थुप्रै खेलाडी उत्पादन गरिसकेको छ । विद्यालयस्तरदेखि नै खेलकुद भन्ने मूल नारा रहेको नेपाली खेलकुद विकासमा यस कार्निभलले निकै टेवा पु¥याउँदै आएको छ ।

कार्निभलको उद्घाटनका अवसरमा कार्निभललाई यस अवस्थासम्म पु¥याउन सहयोग पु¥याउनुहुने विभिन्न खेलाडी, प्रशिक्षक तथा अन्य महानुभावहरूलाई सम्मान गर्ने कार्यक्रम रहेको कार्यक्रक संयोजक जयराम अधिकारीद्वारा हस्ताक्षरित विज्ञप्तिमा जनाइएको छ ।

बास्केटबलतर्फ साबिक विजेता छात्रतर्फ इनोभेटिम स्कुल, शंखमूल तथा छात्रातर्फ रिलायन्स स्कुल, बानेश्वर रहेका छन् ।