चीनको सानदोङ प्रान्तको लोङयान बन्दरगाहमा शनिबार एउटा सामान बोक्ने पानीजहाजबाट कार्बन डाइअक्साइड ग्यास चुहिएका कारण दशजनाको मृत्यु भएको छ ।

स्थानीय अधिकारीहरूका अनुसार फुजियान सिपिङ कम्पनीको जहाज मर्मतका क्रममा ग्यास चुहिएको हो । उक्त दुर्घटनामा अरू १९ जना घाइते भएका छन् । घाइतेको स्थानीय अस्पतालमा उपचार भइरहेको र उनीहरूको स्वास्थ्य अवस्था स्थिर रहेको छ ।

ग्यास चुहिएको सम्बन्धमा जिम्मेवार केही व्यक्तिलाई प्रहरीले गिरफ्तार गरेको छ । उक्त घटनाबारे अनुसन्धान थालिएको स्थानीय अधिकारीले बताएका छन् ।