अमेरिकी विकास सहयोग परियोजना (एमसीसी)बारे अहम् निर्णय लिने एजेण्डाका साथ आज बस्ने भनिएको नेपाल कम्युनिष्ट पार्टी (नेकपा) को सचिवालय बैठक एकाएक स्थगित भएको जनाइएको छ । मंगलबार (२७ जेठ) अपरान्ह ४ बजे बस्ने गरी तय भएको बैठक स्थगित भएको सो पार्टीका प्रवक्ता नारायणकाजी श्रेष्ठले जानकारी दिए ।
प्रवक्ता श्रेष्ठले बैठक स्थगित हुनुको कारण खुलाएका छैनन्, न त अब बैठक कहिले बस्छ भन्ने नै तय गरिएको छ । संसदको कार्यसूची लम्बिएका कारण पार्टी बैठक स्थगित गरिएको हुन सक्ने नेकपाका कतिपय नेताले जनाए पनि एमसीसी सम्बन्धमा पार्टीको उच्च तहमै विवाद रहेको र विवाद नसुल्झिएका कारण बैठक बस्न नसकेको अनुमान गरिएको छ ।
यो पनि हेर्नुहोस्-
प्रतिक्रिया