नागार्नो–काराबाख क्षेत्रमा जारी भिडन्तका क्रममा शनिबार (३ अक्टोबर) बिहान अर्जेन्टिनाका तीन ओटा फाइटर जेट विमान झारदिएको अर्मेनियाले जनाएको छ । अर्मेनियाली रक्षा मन्त्रालयले शनिबार बिहान ती विमान झारिएको जानकारी गराएको हो । यसअघि अजरबैजानले तीन हजार भन्दा बढी सैनिक गुमाएको अर्मेनियाले जनाएको थियो ।

उक्त क्षेत्रमा शुरु भएको भिडन्तका क्रममा अजरबैजानले तीन हजारभन्दा बढी सैनिक गुमाएको थियो, त्यसपछि जेट विमान झारिएको यो पछिल्लो जानकारी आएको हो ।

अर्मेनियाको रक्षा मन्त्रालयले शनिबार बिहान यहाँको स्थानीय समयानुसार अजरबैजानको जेट विमानलाई खसालिएको जनाएको हो । त्यहाँको रक्षा मन्त्रालयको विज्ञप्तिमा भनिएको छ– ‘शनिबार बिहान करिब ८ः२५ तिर एक र ८ः४६ तिर अरु दुइ ओटा गरी हामीले शत्रुका तीन ओटा जेट विमान खसालिदिएका छौँ ।’

रक्षा मन्त्रालयका प्रवक्ता सुसन स्टेपानियानले फेसबुक पेजमा सो कुरा लेखेका छन् । उनले उक्त क्षेत्रको दक्षिणी भूभागमा आएका ती विमानहरु खसालिएको जनाएका छन् । बताइएअनुसार सो क्षेत्रमा शनिबार पनि द्विपक्षीय भिडन्त जारी नै छ ।