• गणेशराज वस्ती

भाग्य र भविष्य हाम्रा
आफ्नै हातमा खोज
तिमी–हामीले गरिरहेका
हरेक बातमा खोज !

बात फेरिरहने
रीतमा खोज
एकले अर्कोलाई गर्ने
प्रितमा खोज

प्रभात कालको
शीतमा खोज
डाँडाकाँडामा गुञ्जिने
हर गीतमा खोज !

भाग्य र भविष्य
दाजुभाइ पो हुन् कि ?
वल्लो–पल्लो घरका
छिमेकी पो हुन् कि ?

कति लगाए यिनले
एकअर्कालाई गुन !
वा, एक–अर्काका
खाँटी विरोधि पो हुन् कि !

– देवचुली–१४, छत्तिसघरे, नवलपरासी