अदालतले एक करोड रुपैयाँ जरिवाना र एक महिना कैद सजाय सुनाएको फरार व्यक्ति पक्राउ परेका छन् । पक्राउ पर्नेमा काठमाडौंको कागेश्वरी मनोहरा नगरपालिका १ का ४८ वर्षीय रामेश्वर चौलागाईं रहेका छन् ।

उच्च अदालत पाटनले उनलाई बैकिङ कसुर मुद्दामा यही ४ वैशाखमा एक करोड रूपैयाँ जरिवाना र एक महिनाको कैद सजाय गरेको थियो ।

उक्त फैसलापछि फरार रहेका चौलागाईंलाई काठमाडौं उपत्यका अपराध अनुसन्धान कार्यालयबाट खटिएको विशेष टोलीले भीमसेनगोलाबाट पक्राउ गरेको हो ।

पक्राउ परेका चौलागाईंलाई फैसला कार्यान्वयनका लागि अदालतमा उपस्थित गराइएको छ ।