■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४४ वर्षा ऋतु नलनामक संवत्सर नेपाल सं. ११४२ वि.सं. २०७९ श्रावण ५ गते बिहीबार तद्अनुसार सन् २०२२ जुलाइ २१ तारिख श्रावण कृष्ण पक्षको अष्टमी तिथि अश्विनी नक्षत्र धृति योग तैतिल करण आनन्दादिमा मानस योग चन्द्रमा मेष राशिमा भ्रमणशील रहला । काठमाडौमा सूर्योदय बिहान ५ः२२ मा भयो र सूर्यास्त साँझ १८ः५७ मा हुनेछ । आज गोरखकाली पूजा ।

आजको राशिफल

मेष – आज यात्रामा सफलता प्राप्त हुने रसरागमा आकर्षण बढ्ने योग छ । रोकिएका काम बन्नाले उत्साह जाग्नेछ । तर आज सवारीसाधन उपयोग गर्दा अलि सावधानी अपनाउनुपर्ला । आश्वासन बाँड्नेहरूले झुक्याउन सक्छन् । काममा सफलता प्राप्त हुनेछ । नयाँ सम्भावना देखापर्ने छ । मान, सुख, समृद्धि बढ्नेछन् । शत्रुमाथि विजय प्राप्त हुनेछ ।

वृष – आज ब्यस्तता बढे पनि समस्याको समाधान प्राप्त हुनेछ । आफ्नो क्षेत्रमा प्रभुत्व जमाउन सकिनेछ । दाम, इनाम र प्रतिष्ठा कमाउने बेला छ । भूमि, वाहन र पैत्रिक सम्पत्तिबाट लाभ मिल्ने योग छ । मित्रजनको साथ प्राप्त हुने हुँदा उत्साह बढ्ला । सन्तानसुख मिल्नेछ । बौद्धिक र रचनात्मक काममा सफलता मिल्नेछ । रसरागमा आकर्षित हुनु हुनेछ ।

मिथुन – कार्यक्षमता वृद्धि हुनेछ । बौद्धिक र रचनात्मक काममा सफलता मिल्नेछ । प्रेममा आकर्षण बढ्नेछ । बाध्यताका काममा जुट्नुपर्ने योग छ । पति वा पत्नीका माध्यमबाट फाइदा हुनेछ । आतिथ्यपूर्ण सम्मान पाइएला । बलजफ्तीले चिताएको काम बिग्रन सक्छ । आरोग्य वृद्धि हुनेछ । कार्यगति का साथ समृद्धि बढ्नेछ ।

कर्कट – आज ऋण, रोग र शत्रुमाथि विजय प्राप्ति र सुख बढ्ने योग भए पनि केही अप्ठ्यारा परिस्थितिसँग सम्झौता गर्नुपर्दा मन खिन्न रहनेछ । तापनि समुदायको हक हितको संरक्षण गर्दै धेरैको भलाइ हुने काम गर्न सकिनेछ । रसरागमा आकर्षण बढ्नेछ । यात्रामा सफलता प्राप्त हुनेछ ।

सिंह – शभता बढ्नेछ । ऋण, रोग र शत्रुमाथि विजय प्राप्त हुनेछ । आरोग्यता बढ्नेछ । यात्रामा सफलता प्राप्त हुनेछ । खेलकुद भ्रमण आदिमा आकर्षण बढ्नेछ । धन वृद्धि हुनेछ । बन्ने निश्चय भएको काम अचानक बिग्रन सक्ने योग रहेकोले सचेतना अपनाउनुहोला ।

कन्या – कठोर प्रयत्नले काममा सफलता मिल्नेछ । जोखिमपूर्ण कार्यमा नलाग्नु हितकर हुनेछ । ऋण, रोग र शत्रुमाथि विजय प्राप्त हुनेछ । व्यावसायिक काम बीचमा अवरुद्ध बन्न सक्छ । आम्दानी बढ्नेछ भने आतिथ्यपूर्ण सम्मान प्राप्त हुन सक्छ । प्रेमको बन्धन कसिने बेला छ। दाम्पत्य जीवन सुखद बन्नेछ । आर्थिक कार्यमा सफलता मिल्नेछ ।

तुला – पारिवारिक सुख बढ्नेछ । कर्म बल बढ्नेछ । प्रयत्न गरेका काम ढिलै सम्पादन भए पनि उपलब्धि राम्रै पाइनेछ। काम बिग्रने भयले सताउला । आर्थिक प्रगति होला र मनमा सन्तुष्टि पनि मिल्नेछ । ऋण रोग र शत्रुसित लड्ने सामर्थ्य बढ्नेछ । बोली र व्यक्तित्वको प्रभाव बलियो बन्नेछ ।

वृश्चिक – सामर्थ्य वृद्धि हुने भए पनि दौडधुप बढ्नेछ । नयाँ काममा हात हाल्न केही समय पर्खंदा राम्रो हुनेछ । बदनाम व्यक्तिहरूले मात्र सहयोगको तत्परता देखाउनेछन्, सजग रहनुहोला । सरकारी कडिकडाउको सिकार भइनेछ। अधिकार सुरक्षा गर्न जुट्नुपर्नेछ । कर्ममा सफल साबित हुनुहुनेछ । ऋण रोग र शत्रुमाथि ध्यान राख्नुपर्नेछ । भाग्य वृद्धि हुनेछ ।

धनु – प्रेमभाव बढ्नेछ । धनको आगमन भैरहनेछ । विगतका समस्या बल्झिन सक्छन् । प्रयत्न गर्दा व्यावसायिक काम सम्पादन हुनेछन् । तर व्यापार–व्यवसायमा सोचेको लाभ नमिल्न सक्छ । सहयोगको आशा देखाउनेहरूले झुक्याउलान्, सचेत रहनुहोला । दैनिक काममा सफलता मिल्नेछ ।

मकर – व्यस्तता बढ्नेछ । मिठो भोजन प्राप्त हुनेछ । आशा उत्साह बढ्ला । रसराग प्रेममा सफलता मिल्नेछ । शत्रुहरू किनारा लाग्नेछन् । प्रतिस्पर्धामा पनि विजयी भइनेछ । आश मारेको काम बन्नाले उत्साह जाग्नेछ । एउटै कामबाट दोहोरो लाभ मिल्नेछ । उन्नति पदोन्नति हुनेछ ।

कुम्भ – पराक्रम बढ्नेछ । प्रयासरत काम बन्नेछ । देखापरेको समस्याको समाधान मिल्नेछ । न्यून उपलब्धिका लागि पनि आज निकै मिहिनेत गर्नुपर्ने समय छ। समुदायको हितमा राम्रै काम गर्न सकिनेछ । बोली र व्यक्तित्वको प्रभाव बढ्ला । आरोग्यता वृद्धि होला । वार्तामा सफलता मिल्नेछ । व्यस्त रहनुहुनेछ ।

मीन – सम्पति वृद्धि हुनेछ । शुभ काममा भाग लिनुहुनेछ । तपाईंको इर्ष्या गर्नेहरूले काममा अवरोध पुर्याउन सक्छन् । आफ्ना योजना गोप्य राखेर अघि बढ्दा फाइदा हुनेछ । धन यश मान पद प्रतिष्ठा बढ्ला ।सुख शान्तिमा बढोत्तरी होला । रसरागमा रुचि बढ्नेछ ।