भारतको सर्वोच्च अदालतले अर्को प्रगतिशील कदम चाल्दै बलात्कार र यौन दुर्व्यवहारका घटनाहरूमा अमानवीय ‘दुई औंला परीक्षण’ को प्रयोगलाई निषेध गरेको छ ।

त्यहाँको सुप्रिम कोर्टका न्यायाधीश डीवाई चन्द्रचुड र न्यायमूर्ति हिमा कोहलीको इजलासले यस्तो प्रथा जारी रहनु ‘खेदजनक’ रहेको जनाएको हो । ‘अदालतले पटक पटक बलात्कार र यौन दुर्व्यवहारको आरोप लागेका मुद्दाहरूमा दुई औंला परीक्षणको प्रयोगलाई अस्वीकार गरेको छ। तथाकथित परीक्षणको कुनै वैज्ञानिक आधार छैन’, फैसलामा भनिएको छ ।

परीक्षणले महिलालाई पुन: पीडित र पुन: आघात गरेको भन्दै अदालतले अगाडि भनेको छ, ‘दुई औंला परीक्षण गर्न हुँदैन’ फैसलामा अगाडि भनिएको छ, ‘यौन सक्रिय महिलालाई बलात्कार गर्न सकिँदैन भन्ने गलत धारणामा यो परीक्षण आधारित छ। सत्यबाट थप केही हुन सक्दैन ।’

इजलासले परम्परागत अभ्यासलाई ‘पितृसत्तात्मक’ र ‘लैंगिक’ भनेको छ ।