बेलायती राजा चार्ल्स तृतीयले मेघन मर्केल, प्रिन्स ह्यारी र तिनका छोराछोरीलाई दिइएको शाही उपाधि खोस्न सक्ने त्यहाँका एक शाहीविज्ञले दाबी गरेका छन् । उनीहरूको आगामी पुस्तक र नेटफ्लिक्स शो ले शाही परिवारलाई हानि पुर्‍याएमा उनीहरुको शाही उपाधि खोसिने ती विज्ञले दाबी गरेका हुन् ।

प्रिन्स ह्यारीले अर्को वर्ष जनवरी १० मा ’स्पेयर’ शीर्षकको आफ्नो संस्मरण प्रकाशित गर्ने तयारी गरेका छन् । प्रकाशक पेन्गुइन र्‍यान्डम हाउसका अनुसार पुस्तकले “कच्चा र अटल इमानदारी“ प्रतिज्ञा गरेको छ जसले गर्दा शाही परिवारको लागि “अत्यधिक विनाशकारी“ हुनसक्ने अनुमान गरिएको छ।

डेली स्टारको अनुसार शाही लेखक टम बोवरले रानी एलिजाबेथको अन्त्येष्टि सेवामा उनीहरूको पुनर्मिलनपछि शाही परिवारका सदस्यहरूबीचको दुश्मनी प्रकट भएको छ। राजकुमार ह्यारी र उनकी पत्नी मर्केल शाही परिवारका सदस्यहरूसँग क्रिसमसमा उपस्थित नहुने सम्भावना रहेको जनाइएको छ ।

प्रिन्स ह्यारीको संस्मरणात्मक पुस्तक स्पेयरको विवरणहरू सार्वजनिक भइरहेका बेला उनी क्रिसमसमा उपस्थित नहुने संकेत गरिएको हो । यी सब कुराबाट चार्ल्स असन्तुष्ट रहेका र फलत: प्रिन्स ह्यारी तथा मेघन मर्केलको शाही उपाधि खोसिन सक्ने चर्चाले स्थान पाएको छ ।