‘असंवैधानिक इम्बोष्ड आवरणको पासो रद्ध नभए भाषाघातीहरू सर्वनाश हुने उद्घोष’
माता सरस्वतीको देदिव्यमान तस्बिरलाई प्रमुख अतिथिको आशनमा राखेर कानून व्यवसायीहरूका माझमा ‘निर्झर – भावगङ्गा’ तरङ्गित भएको छ । नेपाल कानून व्यवसायी भाषासाहित्य प्रतिष्ठा तथा निर्झर दिलचेत वाङ्मय प्रतिष्ठान, नेपालको संयुक्त आयोजनामा सम्पन्न भएको उक्त समारोहको अध्यक्षता प्रा. गुणनिधि न्यौपानेले गर्नुभएको थियो ।
उक्त निर्झर भावगङ्गामा वरिष्ठ अधिवक्ता हरि उप्रेती, विष्णु लुइँटेल, जुक्तिजङ्ग लामिछाने, ठाकुरराज आचार्य, रारामा, रामकृष्ण काफ्ले, तुलसीराम पोखरेल, भोजराज आचार्य, घमा भट्टराई आदि कानून व्यवसायी कविहरूले आ-आफ्ना ओजस्वी सिर्जनाहरू प्रस्तुत गर्नुभएको थियो । सो अवसरमा गत पौष २३ गते सम्पन्न सर्वोच्च अदालत बार एशोसिएशन कार्यसमितिमा निर्वाचित हुनुभएका पदाधिकारी महानुभावहरूको कार्यकालको सफलताको कामना गरिएको थियो ।
समारोहमा विशिष्ठ अतिथि ने.बा.एका पूर्वअध्यक्ष वरिष्ठ अधिवक्ता प्रेमबहादुर खड्का, पूर्वउपाध्यक्ष्य व.अ. हरि उप्रेती, वर्तमान अध्यक्ष व.अ. हरिशंकर निरौलाले कानून व्यवसायी, न्यायलय, न्यायाधीश मात्र नभएर समग्र समाजका लागि भाषाको प्रभावकारिता र महत्त्व अत्यन्त प्रभावशाली रहने हुनाले भाषाको रक्षा, सेवा, संरक्षण र सम्मानका लागि आम कानून व्यवसायीहरू सधैं सचेत र जागरूक रहनुपर्ने तथ्य प्रकाश पारिएको थियो ।
सोही समारोहका वक्ताहरूले नेपालमा सञ्चालित सवारीका साधनहरूमा जोर-जबर्जस्ती लादिएको गैरकानूनी एवं असंवैधानिक ‘इम्बोष्ड आवरणको पासो’लाई यथाशीघ्र रद्द र बन्द गरेर हाम्रा सबै सवारीका साधनहरूमा सर्वसाधारण नागरिकहरूले बुझ्न सक्ने मौजुदा संविधानसम्मत हुने देवनागरी लिपिमा आधारित अक्षर र अंकहरू नै यथावत कायम हुनुपर्ने दर्बिलो अभिमत वक्ताहरूले राख्नुभएको थियो ।
असंवैधानिक ‘इम्बोष्ड नम्बर प्लेट’का विरोध र विरूद्धमा स्वदेश एवं विदेशका विभिन्न भूभागमा बसोबास गर्दै आइरहनु भएका जिम्दा नेपाली दाजुभाइ दिदीबहिनीहरू तथा आम नानून व्यवसायीहरूले असहमति राख्तै आइराख्नुभएको तथ्यगत वास्तविकता उक्त समारोहमा प्रष्ट्याइएको थियो । ने.बा.ए.को सभाकक्षमा सम्पन्न उक्त कार्यक्रममा अधिवक्ता सल्लु तिवारीले स्वागत मन्तव्य राख्नुभएको थियो भने कार्यक्रको संयोजन प्रतिष्ठानका अध्यक्ष कवि/अधिवक्ता मातृदासले गर्नुभएको थियो ।
प्रतिक्रिया