मोरङको विराटनगर क्षेत्रबाट लगातार मोटरसाइकल चोरी भएको खवर प्राप्त भई अनुसन्धान गर्ने क्रममा नोवेल अस्पताल, विराट टिचिङ अस्पताल, कोशी अस्पताल, सेन्ट्रल मल र पुरानो गुद्रीलगायतका बढी भिडभाड हुने स्थानबाट हराएका १६ वटा मोटरसाइकलको चोरीमा संलग्न दुई जना पक्राउ परेका छन् ।

सुनसरीको भोक्राहा नरसिंह-२ बस्ने वर्ष २१ को निकाइल अन्सारी र हरिनगरा-६ बस्ने वर्ष ३९ को नजाम अन्सारीलाई प्रहरीले नियन्त्रणमा लिएको हो ।

नोवेल अस्पतालबाट साइन मोटरसाइकल दुईवटा, सुपरस्प्लेण्डर दुईवटा र अपाचे एउटा, सेन्ट्रल मलबाट साइट एउटा, सुपरस्प्लेण्डर दुई वटा र पल्सर मोटरसाइकल एउटा, कोशी अस्पतालबाट सुपरस्प्लेण्डर एउटा, गुद्रीबाट सुपरस्प्लेण्डर एउटा, मालपोत कार्यालयबाट सुपरस्प्लेण्डर एउटा, नापी कार्यालयबाट साइन एउटा र विराट टिचिङ अस्पतालबाट सुपरस्प्लेण्डर मोटरसाइकल एउटा गरी चौधवटा मोटरसाइकल चोरी गरेका छन् ।