नेपाल बालकुमारी क्योकुशिन कराते संघद्वारा ललितपुर मंगलबजारमा ‘चौथौ ललितपुर महानगरपालिका मेयर कप राष्ट्रिय फुलकन्ट्याक्ट कराते प्रतियोगिता २०८०’ सम्पन्न भएको छ ।

यही फागुन ६ र ७ गते आयोजित प्रतियोगितामा तेस्रो रामजी गुरु स्मृति नगद पुरस्कारको लागि छ विधा तौल समूहका प्रथम भएका खेलाडीमध्येबाट गोलाप्रथामार्फत ५५–६० के. जी. तौल पुरुष समुहका प्रथम विजयी सरोज तामाङले नगदराशि पचास हजार जितेका थिए ।

यस्तै, ३५–४० के.जी. तौल महिला समुहमा साहारा वाइबा (बालकुमारी डोजो) प्रथम भइन् भने बालकुमारी डोजोकै अस्मिता श्रेष्ठ दोस्रो स्थानमा रहिन् । मकवानपुर डोजोकी प्रनिसा भुलुनलाई तेस्रो स्थान हासिल भएको थियो ।

४५–५० के. जी. तौल महिला समुहमा मकवानपुर डोजोकी रेशमा थापा प्रथम, कीर्तिपुर डोजोकी सोनिया राई दोस्रो र मकवानपुर डोजोकी रस्मी श्रेष्ठ तेस्रो भइन् ।

यस्तै, ५०– ५५ के.जी. तौल महिला समुहमा एपीएफकी अनिसा तामाङ प्रथम, एपीएफकै चन्दा कुमारी भुजेल दोस्रो र मकवानपुर डोजोकी लक्ष्मी थिङ तृतिय भइन् ।

यसैगरी, ४०–४५ के.जी. तौल पुरुष समुहमा एपिएफका सुनिल तामाङ पहिलो, मकवानपुर डोजोका रिदम थापा दोस्रो र बज्रबाराही डोजोका सविन गुरुङ तेस्रा भए भने ५०–५५ के.जी. तौल पुरुष समुहमा स्ट्रङगेस्ट डोजोका बुद्ध मगर प्रथम, एपीएफका निरोज नगरकोटी दोस्रो र एपीएफकै प्रभात स्याङ्तान तेस्रा भए ।

५५–६० के.जी. तौल पुरुष समुहमा बालकुमारी डोजोका सरोज तामाङ प्रथम, कीर्तिपुर डोजोका सन्जेस भुलोन दोस्रा र स्ट्रङगेस्ट डोजोका संजय के गुप्ता तेस्रा भए ।

सबै तौल समूहका प्रथम, दोस्रो र तेस्रो विजयी खेलाडीहरूलाई उचित नगद पुरस्कार वितरण गरिएको थियो भने प्रतियोगिताकै अवसरमा विभिन्न संस्कृतिक कार्यक्रम पनि प्रस्तुत गरिएको थियो ।