लोकतान्त्रिक समाजवादी पार्टी (लोसपा) नेपालका अध्यक्ष महन्थ ठाकुरले तत्कालीन मधेस आन्दोलनका क्रममा सरकारसँग भएका विभिन्न सम्झौताहरु पालना नभएको गुनासो गरेका छन् । जनसङ्ख्याको आधारमा प्रतिनिधित्व सुनिश्चित गर्नुपर्ने उनको माग छ ।

लोसपा नेपाल जिल्ला कार्यसमिति सर्लाहीद्वारा सदरमुकाम मलङ्गवामा आइतबार (१३ जेठ) आयोजित सदस्यता वितरण तथा पार्टी प्रवेश कार्यक्रमलाई सम्बोधन गर्दै अध्यक्ष ठाकुरले संविधान र कानुनलाई आफ्नो पार्टीले परिपालन गरिराखेको जिकिर गरे ।

‘हामी चुनाव लड्छौँ, चुनाव लड्नु भनेको त युद्धसरह हो, हामी शान्तिपूर्ण रुपमा अहिंसात्मक आन्दोलन गरिरहेका छौँ’ भन्दै अध्यक्ष ठाकुरले मधेस आन्दोलनको क्रममा नेता कार्यकर्तामाथि लगाइएको झुठा मुद्दा फिर्ता गर्न र जेलमा रहेको तथा मुद्दा लगाइएपछि फरार रहेकामाथिको मुद्दा पनि फिर्ता गर्न सरकारसँग माग गरे ।

^{_{photo: rss}}