एयर डाइनेस्टीको हेलिकप्टर आज (२३ साउन) नुवाकोटको शिवपुरीमा दुर्घटनामा परेको छ । त्रिभुवन विमानस्थलबाट जना चिनियाँ यात्रु लिएर उडेको उक्त हेलिकप्टर शिवपुरी गाउँपालिका-७ सूर्यचौर डाँडामा दुर्घटनामा पर्दा हेलिकप्टरमा सवार पाँचै जनाको ज्यान गएको बताइएको छ । मृत्यु हुनेमा चार पुरुष र एक महिला रहेका छन् ।

त्रिभुवन अन्तर्राष्ट्रिय विमानस्थलका महाप्रबन्धक जगन्नाथ निरौलाले हेलिकप्टर दुर्घटना भएको जानकारी दिए ।

शिवपुरी गाउँपालिका-७ स्थित शिवपुरी जङ्गलको सुइरेचौर क्षेत्रमा आगो बलेको र धुँवा देखिएपछि स्थानीयले हेलिकप्टर दुर्घटना भएको हुनसक्ने आशङ्का गरी प्रहरीलाई खबर गरेका थिए ।

^{_{photo: rss}}