मसाज सेन्टर सञ्चालनको बहानामा बालिकाहरुलाई प्रयोग गरी बेश्याावृत्ति धन्दा चलाएको भन्दै नेपाल प्रहरीको मानव बेचविखन अनुसन्धान ब्युरोले एक महिलालाई नियन्त्रणमा लिएको छ । काठमाडौं महानगरपालिका वडा नं. १६ सातघुम्टीमा हिमालयन आयुर्वेदिक स्पा सञ्चालन गर्दै आएकी लमजुङ बेसीशहर घर भइ काठमाडौं रहँदै आएकी ३८ वर्षीया सपना खवासलाई प्रहरीले नियन्त्रणमा लिएको हो ।

मसाज सेन्टर सञ्चालिका खवासले युवतीहरुलाई ललाइफकाइ यौनधन्दामा लगाउने गरेको, ग्राहकसँग पन्ध्रसय असुल गरी युवतीलाई पाँच सय दिने प्रलोभन दिएपनि रकम नदिएको र दिनमै चार-पाँच जनासँग यौन सम्पर्क गर्न लगाउनुका साथै महिनावारी भएको बेलासमेत बाध्य तुल्याएको भन्दै पीडित बालिकाहरुले प्रहरीम उजुरी गरेका थिए ।

उजुरी प्राप्त भएपछि अनुसन्धान गर्दा मसाज सेन्टरमा ‘एक्स्ट्रा सर्भिस’ भन्दै अलग कोठामा यौन धन्दा गराउने गरेको खुलेको प्रहरीले जनाएको छ ।