संयुक्त राज्य अमेरिकाबाट निष्काशित १९९ आप्रवासी बोकेको विमान सोमबार (२४ मार्च) बिहान भेनेजुएला पुगेको त्यहाँका गृहमन्त्री डिओसडाडो काबेलोले बताएका छन् ।

‘आज हामी १९९ जना स्वदेशीहरूलाई स्वागत गर्दैछौं’, उनले विमानस्थलमा उपस्थित भइ भनेका छन्- ‘हामी भेनेजुएलाका मानिसहरू जहाँ भए पनि स्वागत गर्न तयार छौं ।’

प्रत्यक्ष फुटेजमा स्वेटसूट लगाएका युवाहरू राजधानी काराकास बाहिर अवतरण गरेको विमानबाट ओर्लिरहेको देखाइएको छ । तिनीहरूमध्ये केही मुस्कुराइरहेका र ताली बजाइरहेका थिए ।

शनिबार भेनेजुएलाले संयुक्त राज्य अमेरिकाबाट स्वदेश फिर्ती उडानहरू पुनः सुरु गर्न वाशिङ्गटनसँग सम्झौता गरेको घोषणा गरेको थियो ।