✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४७ नेपाल सं. ११४५ सिद्धार्थीनाम संवत्सर वसन्त ऋतु वि.सं. २०८२ बैशाख ५ गते तद्अनुसार सन् २०२५ अप्रिल १८ तारिख शुक्रबार बैशाख कृष्ण पञ्चमी तिथि मूल नक्षत्र परिघ योग गर करण आनन्दादिमा सुस्थिर योग चन्द्रमा धनु राशिमा भ्रमणशील रहनेछ । काठमाडौंमा सूर्योदय बिहान ५ः३८ मा भयो र सूर्यास्त साँझ १८ः३० मा हुनेछ । भ.पु. भैरवकाली रथयात्रा समापन, दक्षिण एशियाली ज्योतिष महासंघ स्थापना दिवस ।

आजको राशिफल

मेष – बौद्धिक क्षेत्रमा राम्रो उपलब्धि प्राप्त हुने तथा बोलीको भरमा काम सम्पादन हुनसक्ने समय छ । राम्रै आम्दानी हुने रोजगारीको अवसर मिल्न सक्छ । आर्थिक क्रियाकलापमा राम्रै फाइदा हुने योग छ । तथापि, बेसुरमा अरूलाई दिएको वचनले अप्ठ्यारोमा पार्न सक्छ, ध्यान राख्नुहोला । नयाँ काममा हात हाल्न केही समय पर्खनु हितकर हुनेछ । सामाजिक क्रियाकलापमा आकर्षषण रहनेछ ।

वृष – शुभदायी समय छ । सहयोगीहरूले साथ दिनेछन् भने व्यक्तित्व निखार्दै नयाँ काम गर्ने अवसर प्राप्त हुनेछ । तपाईंबाट भए/गरेका कामबाट धेरैलाई फाइदा पुग्ने देखिन्छ । व्यापारमा आँटेका योजना तत्काल सम्पादन हुनेछन् र राम्रै फाइदा हुने योग छ । पछिसम्म लाभ हुने काममा लगानी गर्ने अवसर जुर्ला । पारिवारिक समस्याको समाधान मिल्नेछ । सुख वृद्धि हुनेछ ।

मिथुन – बिगतका कमजोरी सुधार्दै फाइदा उठाउन सकिने समय छ, तर इमानदार प्रयास अपरिहार्य छ । आजको दिन अनावश्यक भ्रमण हुन सक्छ, सकभर यात्रागत कार्य टार्नु उचित हुनेछ । स्वास्थ्यगत समस्याले सताउन सक्छ । नियमित कार्यमा सहयोगीहरूले उत्साह जगाउनेछन् । साझेदारीको काम बन्नेछ । शत्रुपक्ष परास्त हुनेछ । सभा–समारोहमा मान मिल्नेछ । मेहनत गर्दा राम्रै प्रतिफल प्राप्त हुने योग छ ।

कर्कट – थोरै प्राप्तिका लागि पनि धेरै मिहिनेत गर्नुपर्ने समय छ । ठूलो प्रयत्नका बाबजुद उपलब्धि हात पार्न मुस्किल पर्ला । आफ्नै कमजोरीले विवादमा परिने योग छ । सहयोगको आशा देखाउनेहरूले धोका दिन सक्छन्, सचेत रहनुहोस् । पारिवारिक एवम् व्यावसायिक काममा खर्च बढ्नेछ । प्रतिस्पर्धीलाई भने पछि पार्न सकिनेछ । सन्तानपक्षबाट सुख मिल्नेछ । रसरागमा आकर्षण बढ्नेछ ।

सिंह – मिश्रित फलदायी समय छ । पहिलेको सफलताले थप हौसला जगाउनेछ । रमाइलो जमघटका बीच स्वादिष्ट भोजनको आनन्द पाइएला । तर, लेनदेनमा विवाद हुनसक्ने र विगतका समस्या बल्झिने सम्भावना छ, सजग रहनुहोला । सानातिना काम वा घरेलु समस्यामा अल्झनुपर्ने योग छ । रोकिएका काम कठोर प्रयत्नले बन्नेछ । परिवारजनको साथले उत्साह जागाउनेछ । आरोग्यबल बढ्नेछ ।

कन्या – लाभका काम प्रारम्भ गर्न सकिने समय छ । गरिएका कामको राम्रै मूल्यांकन होला । भौतिक साधनसमेत जुट्नेछ भने कामको सन्दर्भमा विशिष्ट व्यक्तित्वहरूसँग मित्रता बढ्ने देखिन्छ । कला, साहित्य, मनोरञ्जन आदि क्षेत्रमा रुचि बढ्नेछ । यात्रागत कार्यमा सफलता प्राप्त हुनेछ । स्वास्थ्यगत दृष्टिले आफू कमजोर भएको अनुभूति हुनसक्छ । खानपान र आराममा ख्याल राख्नु हितकर होला । आफन्तको साथ प्राप्त हुनेछ ।

तुला – सुखदुःखमा साथ दिनेहरू भेटिने छन् । मेहनत गर्दा राम्रैसँग धन आर्जन हुने समय छ । रमाइलो यात्रा गर्ने अवसर जुट्ने देखिन्छ । कामको चापबाट फुर्सद मिलेको अनुभूति होला । साथीभाइको साथ मिल्नाले पराक्रम बढ्नेछ । आरोग्यता रहनेछ । यशवर्चश्व बढ्नेछ । साहसिक काममा आकर्षण रहला । बोलीको प्रभाव वृद्धि हुनेछ । सन्तानपक्षबाट विशेष सुखको अनुभूति होला ।

वृश्चिक – दिगो योजना प्रारम्भ हुन सक्छ । आम्दानी तथा आयआर्जनका स्रोत समेत बढ्ने समय छ । साझेदारीका काममा फाइदा होला । तथापि, अरूका काममा ज्यादा समय बित्न सक्छ । ब्यक्तिगत उपलब्धि प्राप्त गर्न विशेष मिहिनेत गर्नुपर्नेछ । आरोग्यता रहनेछ । सुख-सुविधाको वस्तुमा खर्च होला । योजना र बजेट बनाइ कार्य गर्नु बेस होला । शत्रुलाई जित्ने क्षमता वृद्धि हुनेछ ।

धनु – अवसरको खोजीमा केही दौडधुप गर्नुपर्ला । समयमा होस नपुग्नाले काम रोकिन सक्छ । प्रयत्नका बाबजुद मौकाको फाइदा उठाउन मुस्किल पर्ने देखिन्छ । आजको दिन सवारीसाधनको प्रयोगमा विशेष सजगता अपनाउनु हितकर होला । दीर्घकालीन रूपमा फाइदा हुने योजनाबारे सोचिरहनुभएको थियो भने अघि बढ्न सकिनेछ । आफन्त तथा नजिकका साथीभाइ टाढिन सक्ने योग रहेकोले बोली र व्यवहारमा संयमता अपनाउनुहोला ।

मकर – भाग्यबल बढ्नेछ । नयाँ कामको प्रस्ताव आउनुका साथै सहयोगीहरू प्रशस्तै भेटिन सक्छन् । व्यवसायमा लाग्नेहरूलाई विशेष फाइदा होला । धन आर्जनको योग छ । रुचिका विषयमा लगानी बढाउन सकिने छ । व्यापारलगायत आर्थिक लाभ हुने काममा राम्रै उपलब्धि होला । इर्ष्यालुजनबाट सजग रहनुहोला । सुख–सुविधाको बस्तुमा खर्च वृद्धि हुन सक्छ । मिठो भोजन प्राप्त हुनेछ । यात्रागत कार्यमा सफलता प्राप्त गर्नुहुनेछ ।

कुम्भ – रोकिएका काम बन्ने र नयाँ काम सुरु गर्न सकिने समय छ । उद्योग र व्यापारमा विशेष फाइदा होला । परिवारजनको साथले काममा उत्साह जगाउनेछ । प्रेम र मित्रताको बन्धन कसिनेछ भने दाम्पत्य सुखमय बन्ने देखिन्छ । सामाजिक कायृ तथा परोपकारमा मन जानेछ । स्वास्थ्य भने केही कमजोर रहनसक्छ, ध्यान दिनुहोला । बौद्धिक र रचनात्मक कार्य बन्नेछ ।

मीन – अस्वस्थताले काममा ढिलासुस्ती हुन सक्ने समय छ । अस्वस्थताका बाबजुद कामको दायित्व बढ्ने देखिन्छ । सानातिना काममा महत्वपूर्ण समय बित्न सक्छ । अप्रिय समाचारले दुःखी बनाउला । तथापि, कर्मबल बढ्नेछ । विभिन्न अवसर प्राप्त हुनुका साथै दैनिकीमा परिवर्तन आउनेछ । आफन्तको साथ मिल्नेछ । सुख विलासको भाव पैदा हुनेछ ।