उत्तर–छिमेकी चीनको सहयोगमा नेपालमा रेलवे निर्माणको चर्चा चुलिएको परिवेशमा ‘चाइना सिएमसी इन्जिनियरिङ’ले रसुवागढी–काठमाडौं, काठमाडौं–पोखरा, पोखरा–लुम्बिनी रेल–वेको सम्भाव्यता अध्ययन प्रतिवेदन नेपाल सरकारलाई बुझाएको जानकारी प्राप्त भएको छ । केही दिनअघि नै सिसिएएमसीईले भौतिक पूर्वाधार तथा यातायात मन्त्रालयलाई प्रतिवेदन बुझाएको हो ।
चिनियाँ कम्पनी सिएएमसीईले रेल–वे सम्भाव्यता प्रतिवेदन प्राप्त भएकोले तत्कालै डिपीआर सुरु हुने बुझिएको छ । लगभग एकदेखि डेढ वर्षभित्र डिपिआरको काम सम्पन्न भइसक्ने र त्यसलगत्तै निर्माण कार्य सुरु हुने दाबी गरिएको रसुवागढी–काठमाडौं–पोखरा–लुम्बिनी रेलमार्गले केही वर्षभित्रै मुर्त रूप पाउने भौतिक पूर्वाधार तथा यातायात मन्त्रालय स्रोतको कथन छ । चीनले नेपालमा रेलमार्ग निर्माणको लागि पछिल्लो समय निकै रुचि देखाएको अनुभूति गरिएको वर्तमान परिवेशमा त्यहाँको मिनिष्ट्रि अफ कमर्शले सिसिएएमसीईलाई तत्काल आवश्यक प्रक्रिया अघि बढाउन निर्देशनसमेत दिएको बताइन्छ ।
ज्ञातव्य छ, चाइना सिएएमसी इन्जिनियरिङलाई उसको क्षमता र जिम्मेवारी निर्वाहमा विश्वसनीयताका कारण चीन सरकारले विशेष महत्वका साथ ठूला परियोजना सुम्पिने गरेको छ ।
प्रतिक्रिया