तत्कालै अर्को ब्यालेस्टिक क्षेप्यास्त्र परीक्षण गर्ने सङ्केत नभेटिएको भनी दक्षिण कोरियाको रक्षा मन्त्रालयले विश्वसमुदायलाई जानकारी गराएको साता दिन पनि बित्न नपाउँदै उत्तर कोरियाले शक्तिशाली व्यालेस्टिक मिसाइल परीक्षण गरेको छ । पछिल्लो अन्तरदेशीय ब्यालिष्टिक क्षेप्यास्त्र परीक्षणलाई उत्तर कोरियाले अत्यन्त सफल दाबी गर्दै यो अमेरिकाकालाई ‘चेतावनी’ दिन गरिएको परीक्षण भएको जनाएको छ ।

उत्तर कोरियाली तानाशाह कीम जोङ उनले पछिल्लो परीक्षणले अमेरिकाभर क्षेप्यास्त्र प्रहार गर्न सकिने उत्तर कोरियाको क्षमता प्रमाणित गरेको गर्वका साथ बताएका कोरियन केन्द्रिय समाचार संस्थालाई उद्धृत गर्दै एजेन्सीहरुले जनाएका छन् ।

कोरियाली समाचार एजेन्सी केसिएनएले भनेको छ, ‘हाम्रा नेताले गर्वसाथ भन्नुभएको छ कि अमेरिकाको सम्पूर्ण क्षेत्र अव प्योङयाङको क्षेप्यास्त्र प्रहारको पहुँचमा आएको छ ।’

यसैबीच अमेरिकी विदेशमन्त्रीले रेक्स टिलरसनले उत्तर कोरियाली गतिविधि उत्तेजक बन्नुमा बेइजिङ र रसिया दोषी रहेको आरोप लगाएका छन्। त्यस्तै पेन्टागनका प्रवक्ता क्याप्टेन जेफ डेभीसले अमेरिका आफ्नो बचाउका लागि तयार रहेको पनि जनाएका छन् ।

शनिबारको कोरियाली मिसाइल परीक्षणपछि अमेरिकी विदेशमन्त्री टिलरसन र जापानी विदेशमन्त्री कुमिओ किसिदाबीच टेलिफोन वार्ता भएको छ । उत्तरका उत्तेजित गतिविधिलाई रोक्न सम्भावित व्यापक दबाब दिनुपर्ने वार्तामा कुसिदाले अमेरिकी विदेशमन्त्रीसँग आग्रहगरेका जनाइएको छ ।

उत्तर कोरियाले जापानी समुन्द्रमा खसाएको क्षेप्यास्त्र ४७ मिनेटसम्म उडेको र १० हजार किलोमीटरको सैद्धान्तिक दुरीको उचाइमा पुगेको थियो । जुलाईमा मात्र उत्तर कोरियाले योे दोश्रो अन्तरमहादेशीय क्षेप्यास्त्रको परिक्षण गरेको हो । गत ४ तारिखमा पनि उसले यस्तै परीक्षण गरेको थियो ।

अमेरिकी राष्ट्रपति डोनल्ड ट्रम्पले त्यसलाई ‘उत्तर कोरियाली शासकको अविवेकी र खतरनाक कदम’ भन्ने प्रतिक्रियादिएका छन् । अमेरिका, जापान र दक्षिण कोरियाले प्योङयाङको पछिल्लो कारवाहीको भत्सर्ना गरेका छन् ।

जापानी प्रधानमन्त्री शिन्जो आबेले क्षेप्यास्त्र परिक्षण आफ्नोे मुलुकको लागि गम्भीर खतरा भएको बताए भने दक्षिण कोरियाका राष्ट्रपति मुन जे इनले आपतकालीन सुरक्षा बैठक बोलाई छलफल गरेका छन् ।