बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) बैठकमा सहभागी हुन काठमाडौं आएका विशिष्ट व्यक्तित्वको समूहले शुक्रबार रिट्रीटको सिलसिलामा चन्द्रागिरि केवलकारको भ्रमण गरेका छन् । अनौपचारिक भ्रमणको क्रममा रहेको समुहलाई चन्द्रागिरि हिल्स लिमिटेडका अध्यक्ष चन्द्रप्रसाद ढकाल तथा संचालकहरू हेमराज ढकाल, अम्बिकाप्रसाद पौडेल, नवराज नेपाल र कल्याण गुरुङले स्वागत गर्दै परियोजनाको स्थलगत भ्रमण गराएका थिए ।
अनौपचारिक भ्रमण समूहलाई नेपालका उपप्रधानमन्त्री एवं परराष्ट्रमन्त्री कृष्णबहादुर महरा, भुटानी विदेशमन्त्री दाम्चो दोर्जी र म्यानमारका विदेश राज्यमन्त्री च्वेँ टेँले नेतृत्व गर्नुभएको थियो । भ्रमणमा सहभागी भुटान र म्यानमारका मन्त्रीहरुले चन्द्रागिरि आइपुग्दा संसारकै उच्च स्थानमा आइपुगेको अनुभव गरेको प्रतिक्रिया दिँदै आगामी दिनमा सपरिवार भ्रमण गर्ने इच्छा रहेको बताए ।
चन्द्रागिरि भ्रमण बारे प्रतिक्रिया दिँदै उपप्रधानमन्त्री महराले चन्द्रागिरि हिल्स लिमिटेडले नेपालको पर्यटकीय विकासमा ठूलो योगदान पु¥याएको बताए । ऐतिहासिक, सांस्कृतिक तथा प्राकृतिक महत्व बोकेको चन्द्रागिरि डाँडामा यस कम्पनीले भालेश्वर महादेव मन्दिर, सत्तल, भ्यू टावर, चिल्ड्रेन पार्क र सेमिनार हललगायतका पूर्वाधार निर्माण गरेर चन्द्रागिरि डाँडालाई एकीकृत पर्यटकीय गन्तव्यको रुपमा विकास गरिरहेको छ ।
प्रतिक्रिया