हिमाली जिल्ला मनाङको स्वर्गद्वारीमा जीप दुर्घटना भएको छ । आज भएको जिप दुर्घटनामा परी एकजनाको घटनास्थलमै मृत्यु भएको छ । मृत्यु हुनेमा ङावलकी एक महिला भएको स्थानीयले बताएका छन् ।

जीप भ्राताङ खोलामा निर्माण गरिएको मोटरेवल पुलनजिकै मोडमा दुर्घटना भएको हो । नासोङ गाउँपालिका–३ धारापानीबाट मनाङ जाँदै गरेको ग १ ज ६३१५ नम्बरको जीप दुर्घटना भएको प्रहरीले जनाएको छ ।

स्थानीयका अनुसार दुर्घटनामा परी एकजना गम्भिरसहित अन्य ७ घाइते भएका छन् । चालक तुलसी गुरुङको भने हातमा चोट लागेको बताइएको छ ।

घटनास्थलमा पुग्न सदरमुकाम चामेबाट आधा घण्टा लाग्दछ ।

– छविलाल बगाले