चिनियाँ नागरिकलाई नागरिकताका लागि सिफारिस गरेको आरोपमा प्रहरीले काठमाडौं महानगरपालिका वडा नम्बर ११ का सचिव राप्रसाद पौडेललाई पक्राउ गरेको छ । चिनियाँ नागरिक कुङगा तेन्जिङ भुटियाले तेन्जिङ लामाको नाममा वंशजको आधारमा जिल्ला प्रशासन कार्यालय काठमाडौंबाट नागरिक लिएका हुन् ।

केन्द्रीय अनुसन्धान व्युरो प्रमुख पुष्कर कार्कीले पौडेल र घलेले कुङगाबाट मोटो रकम लिएर नागरिक बनाउन सहयोग गरेको बताए । पौडेल अघिका वडा सचिव युवराज खनालले कुङगालाई नेपाली नागरिकरुपमा जन्म दर्ता गराएका थिए ।

कुङगाले नेपाली पासपोर्टसमेत लिइसकेका छन् । प्रहरी केन्द्रीय अनुसन्धान व्यूरो (सिआइवी) ले कुङगा, पौडेल र नागरिकता बनाउन सहयोग गर्ने कर्मा धिन्डुप घलेलाई पक्राउ गरेको छ । चिनियाँ नागरिक कुङगा कपडा व्यपारसँग आवद्ध छन् । महानगरका अनुसार सिआइबीले खनालको खोजीकार्य तीव्ररुप अघि बढाएको छ ।