उम्मेदवारलक्षित बम विष्फोटका घटना बढ्न थालेपछि विप्लवले नेतृत्व गर्दै आएको नेपाल कम्युनिष्ट पार्टीका नेता तथा कार्यकर्तालाई गिरफ्तार गर्न सरकारले विशेष तदारुकता देखाएको छ । देशव्यापी रुपमा करिव पाँच सय माओवादी कार्यकर्तालाई प्रहरीले नियन्त्रणमा लिइसकेको गृह श्रोत बताउँछ ।
यसैक्रममा सो पार्टीका पोलिट ब्युरो सदस्य वीरजंगका नामले चिनिने चन्द्रबहादुर चन्दलाई प्रहरीले राजधानीबाट नियन्त्रणमा लिएको छ । नेकपा लुम्बिनी ब्युरो इन्चार्ज समेत रहेका वीरजंगलाई हिजो शुक्रबार अपरान्ह काठमाडौं बुढानिलकण्ठबाट गिरफ्तार गरिएको बुझिएको छ । वीरजंग नाताले विप्लवका दाइ हुन् ।
बताइएअनुसार वीरजंगका छोरा दियस चन्द यतिबेला सिकिस्त बिरामी छन् । उनको भारत नयाँदिल्लीस्थित म्याक्स अस्पतालमा उपचार भइरहेको छ । छोराको अवस्था गम्भीर भई आइसीयुमा राखिएको खबर पाएर दिल्ली जानका लागि वीरजंग काठमाडौं आएका थिए । आज शनिबार दिल्लीतर्फ उड्ने उनको योजना थियो । तर, यसअघि नै उनी बुढानिलकण्ठबाट पक्राउ परेका हुन् ।
प्रतिक्रिया