एमाले माओवादी बीच पार्टी एकीकरणका लागि अन्तरिम बिधान बनाउनका लागि आज कार्यदल बैठक बस्ने भएको हो । बैठक एमाले केन्द्रीय कार्यालय धुम्बाराहीमा बस्न लागेको हो ।

कार्यदलका प्रवक्ता एमाले सचिव गोकर्ण बिष्टफागुन २५ भित्र अन्तरिम विधान र संगठनात्मक अवधारणाको पहिलो मस्यौदा तयार पार्ने गरी कार्यतालिका बनाउन लागिएको जानकारी दिए । उनका अनुसार यसअघिको बैठकमा दुवै दलले आआफ्नो बिधान, दस्तावेज र कमिटीहरुको विवरण आदानप्रदान गरेका थिए ।

माओवादी नेता रामबहादुर थापा बादलको कार्यदलको संयोजकत्वमा एमालेबाट ईश्वर पोखरेल, विष्णु पौडेल, गोकर्ण बिष्ट, सुरेन्द्र पाण्डे, रघुवीर महासेठ र बेदुराम भुसाल रहेको एमालेले जनाएको छ । उता, माओवादीबाट गिरिराजमणी पोखरेल, वर्षमान पुन, जनार्दन शर्मा र मात्रिका यादव सदस्य रहेको बताइएको छ ।

कार्यदलले पार्टी केन्द्रदेखि गाउँ तहसम्मका कमिटीहरु एकीकरण गर्न ठोस आधार तय गर्ने बताइएको छ ।