आफ्ना अंगरक्षकलाई गोली हान्न लगाएर धार्मिक सद्भाव भड्काउन खोेजेको आरोपमा पक्राउ परेका २६ वर्षीय पण्डित श्रीनिवास आचार्य १२ जेठसम्म हिरासतमा रहने भएका छन् । आर्चायलाई १२ जेठसम्म हिरासतमा राख्नका लागि राखेर अनुसन्धान गर्न पाउने गरी जिल्ला प्रशासन मोरङले प्रहरीलाई अनुमति दिएको हो ।
प्रहरीले आचार्यलाई नियन्त्रणमा लिएपछि २५ वैशाखमा हातहतियार तथा खरखजाना मुद्दामा पहिलोपटक जिल्ला प्रशासन मोरङमा दश दिनको म्याद थप गराएको थियो । दोस्रो पटक ३ जेठदेखि लागू हुने गरी १२ जेठसम्मको म्याद थप गराएको हो ।
हातहतियार खरखजाना ऐन २०१९ अनुसार कसुर ठहर भएमा उनलाई एक वर्ष कैद र एक लाख रुपैयाँ जरिवाना वा दुवै सजाय हुनसक्नेछ ।
पक्राउ परेपछि आचार्यले आफू गम्भीर बिरामी भएको बताएपछि प्रहरीले उनलाई कोशी अञ्चल अस्पताल भर्ना गराएको छ । अस्पतलामा रहेका उनलाई कडा सुरक्षा र निगरानीमा राखिएको छ ।
प्रतिक्रिया