चीनले एकपछि अर्को गरी आफ्ना आश्चर्यजनक कार्य गरेर विश्वलाई चकित पारिरहेको छ । यसक्रममा उसले विश्वको सबैभन्दा गहिरो प्रयोगशाला निर्माण गरेको छ।

पृथ्वीको सतहबाट २४ सय मिटर (२.४ किलोमिटर) तल प्रयोगशाला निर्माण गरी चीनले उक्त प्रयोगशालामा काम पनि काम सुरु गरेको छ । ‘डार्क म्याटर’ (कालो पदार्थ)को खोजीमा पृथ्वीको गहिराइसम्म पुगेको दाबी चीनले गरेको छ ।

कालो पदार्थ अझै पनि वैज्ञानिकहरूको लागि रहस्यको विषय बनिरहेको छ । सम्पूर्ण संसार कालो पदार्थबाट बनेको मानिन्छ । डार्क मेटर र डार्क एनर्जीको कारणले नै सम्पूर्ण ब्रह्माण्ड व्यवस्थित रूपमा व्यवस्थित भएको वैज्ञानिकहरू विश्वास गर्छन् । यसबाहेक सम्पूर्ण ब्रह्माण्डमा सबै ग्रह, तारा, सूर्य र चन्द्रमालाई एउटै कक्षमा बाँध्ने पर्याप्त गुरुत्वाकर्षण नभएकाले चन्द्रमा, तारा, सूर्य र ग्रहहरूबीचको समन्वय पनि डार्क पदार्थकै कारण भएको वैज्ञानिकहरूले विश्वास गरेका छन् ।

यो विश्वास गरिन्छ कि, कालो पदार्थ यस्तो पदार्थबाट बनेको हो जसले न प्रकाशलाई आकर्षित गर्दछ न प्रकाश उत्सर्जन गर्दछ। गत वर्ष अमेरिकामा डार्क मेटरको खोजी गर्न लक्स जेपेलिन एलजेड नामको प्रयोग गरिएको थियो ।

चीनको सरकारी समाचार एजेन्सी सिन्ह्वाले पृथ्वीमुनि चीनले काम गरिरहेको प्रयोगशालाको नाम जिनपिङ ल्याब रहेको र यसलाई निर्माण गर्न तीन वर्ष लागेको जानकारी दिएको छ । बिहीबार दिइएको जानकारीअनुसार डार्क मेटरको खोजका लागि विश्वमा चीनभन्दा राम्रो ठाउँ अरू कुनै छैन, किनभने उसँग सबैभन्दा उन्नत प्रयोगशाला छ । यो प्रयोगशालाले पृथ्वीको गहिराइमा प्रयोगको नयाँ सीमा खोल्ने अपेक्षा गरिएको छ।

किन भइरहेको छ पृथ्वीमुनिको अन्वेषण ?

सिङ्गुआ भौतिकशास्त्रीले भनेअनुसार हामी जति गहिराइमा जान्छौँ त्यति नै धेरै ब्रह्माण्ड किरणहरू रोक्न सक्षम हुन्छौँ । यसर्थ डार्क पदार्थ पत्ता लगाउनको लागि गहिरो प्रयोगशाला एक आदर्श अल्ट्रा क्लिन साइट मानिन्छ।