कपिलवस्तुमा बस दुर्घटना, दश जनाको मृत्यु तीस घाइते

कपिलवस्तुमा बस दुर्घटना, दश जनाको मृत्यु तीस घाइते


कपिलवस्तुको शिवराज नगरपालिका-१ सुरही पुलनजिकै बस दुर्घटना हुँदा १० जनाको मृत्यु भएको छ ।

महेन्द्रनगरबाट काठमाडौंका लागि प्रस्थान गरेको सुनौलो महाकाली यातायातद्वारा सञ्चालित सु.प. प्र. ०२-००१ ख ००९८ नम्बरको बस बिहीबार बिहान सडकबाट दुई सय मिटर तल खसेको थियो ।

दुर्घटनामा १० जनाको घटनास्थलमै मृत्यु भएको जिल्ला प्रहरी कार्यालय कपिलवस्तुले जनाएको छ । मृतकको विवरण आइसकेको छैन ।

कार्यालयका प्रहरी निरीक्षक नवरत्न पौडेलका अनुसार दुर्घटनामा ३० जना घाइते भएका छन् भने तीमध्ये नौ जनालाई बुटवल ‘रिफर’ गरिएको छ । अन्यको सञ्जीवनी र आधारभूत अस्पतालमा उपचार भइरहेको छ ।