रारा–कर्णाली पर्यटन वर्ष–२०७४ को उद्घाटन समारोहमा सहभागी भएका जुम्लाका एक वडाध्यक्षको शनिबार कार्यक्रमस्थलमै बेहोस भई ढलेपछि मृत्यु भएको छ ।
जुम्लाको कनकासुन्दरी गाउँपालिका–७ का वडाध्यक्ष कालीबहादुर घर्तीको कार्यक्रम चलिरहेकै बेला मृत्यु भएको हो । ६० वर्षीय घर्ती महोत्सवमा सहभागी हुन दुई दिन हिँडेर रारा पुगेका थिए, जहाँ प्रधानमन्त्री केपी शर्मा ओलीको नयाँवर्ष सम्बोधन चलिरहेको थियो । स्थानीय निर्वाचनमा नेकपा (एमाले)बाट निर्वाचित घर्ती प्रधानमन्त्रीको नयाँ वर्षको सन्देश सुनिरेहकै अवस्थामा बेहोस भई ढलेका थिए । नजिकै रहेको स्वास्थ्य शिविरमा लैजाँदै गर्दा उनको मृत्यु भएको थियो ।
प्रतिक्रिया