आफूलाई जबर्जस्ती करणी गरेको भन्दै झुठो जाहेरी दिने एक महिलालाई प्रहरीले पक्राउ गरेको छ ।
नवलपरासी वर्दघाट चिसापानी घर भइ हाल काठमाडौ जडिबुटी डेरा गरी बस्ने ३४ वर्षीया महिलालाई पक्राउ गरिएको हो ।
आफूलाई भक्तपुर जिल्लाको लोकन्थलीमा ल्याइ अचेत बनाएर एक पुरुषले जबर्जस्ती करणी गरेको भनी प्रहरीवृत्त ठिमीमा असत्य जाहेरी दिएको देखिएकाले उनलाई पक्राउ गरेको प्रहरीले जनाएको छ ।
महिलाको निवेदनउपर अनुसन्धान गर्दा उक्त प्रकृतिको कुनै पनि घटना नभएको देखिएको महानगरीय प्रहरी परिसर भक्तपुरले जनाएको छ ।
पुरुष व्यक्तिलाई फसाउने नियतले कपोलकल्पित घटना बनाइ जाहेरी दरखास्तसमेत दिएको हुँदा निज महिलालाई पक्राउ गरेको परिसर भक्तपुरले जनाएको छ । उनलाई वृत्त ठिमीबाट नियन्त्रणमा लिइ आवश्यक अनुसन्धान भइरहेको परिसरका सूचना अधिकृत राजु पाण्डेले जानकारी दिए ।
प्रतिक्रिया