नेपालका लागि चिनियाँ राजदूत होउ यान्छी अर्को महिना स्वदेश (चीन) फर्कने भएकी छन् ।
आफनो चारवर्षे कार्यकाल पूरा गरी यान्छी अर्को महिना चीन फर्किन लागेकी हुन् ।
चीन सरकारले राजदूत होउलाई बढुवा गरी दक्षिण पूर्व एसियाली राष्ट्रहरूको संगठन एसोसिएसन अफ साउथ इस्ट एसिएन नेसन्स (आसियान) क्षेत्रको राजदूतको रुपमा पठाउने भएको स्रोतले जनाएको छ ।
राजदूत होउ फर्केसँगै नेपालका लागि नयाँ राजदूतमा को आउने भन्ने बारेमा भने कुनै निर्णय चीन सरकारले सार्वजनिक गरेको छैन । यान्छी सन् २०१८ डिसेम्बरमा नेपालका लागि चिनियाँ राजदूतका रुपमा नेपाल आएकी थिइन् ।
उनले यस महिनामा राष्ट्रपति, प्रधानमन्त्रीदेखि राजनीतिक दलका शीर्ष नेताहरुसँग बिदाइ भेट गर्ने बुझिएको छ । ।
प्रतिक्रिया