बाराको जीतपुर सिमरा उपमहानगरपालिका २२ स्थित तीन नम्बर पुलनजिकै यात्रुवाहक बस पल्टिँदा कम्तिमा १० जनाको मृत्यु भएको छ । हेटौँडाबाट पथलैया आउँदै गरेको बा.प्र. ०६-००१ ख ०११० नम्बरको बस खोलामा झरेको हो ।

बाराका प्रमुख जिल्ला अधिकारी कृष्णबहादुर कटुवालले हालसम्ममा १० जनाको मृत्‍यु भएको खबर प्रहरीबाट प्राप्त भएको जानकारी दिए ।

घाइतेहरुको उद्धारको कार्य जारी छ । उनीहरुलाई सिमरास्थित अल्पाइन र हेटौँडा अस्पतालमा अपचारका निम्ति पठाउने कार्य भइरहेको बताइएको छ ।

दुर्घटनाको थप विवरण भने अझै आउन बाँकी रहेको छ ।